ព្រុចសែល៖ លោកប្រធានាធិបតី Andrzej Duda បានឲ្យដឹងថា ប្រទេសប៉ូឡូញ នឹងបញ្ជូនយន្តហោះចម្បាំង សម័យសូវៀតចំនួន ៤គ្រឿងទៅកាន់អ៊ុយក្រែន ក្នុងរយៈពេលប៉ុន្មានថ្ងៃខាងមុខនេះ ដើម្បីពង្រឹងថាមពល ផ្លូវអាកាសរបស់ទីក្រុងគៀវ ដែលក្លាយជាសមាជិកណាតូ ដំបូងគេដែលផ្ដល់យន្ដហោះចម្បាំងទៅកាន់អ៊ុយក្រែន។
លោក Duda បានឲ្យដឹងនៅក្នុងទីក្រុង Warsaw ប្រទេសប៉ូឡូញកាលពីថ្ងៃព្រហស្បតិ៍ថា យន្ដហោះចម្បាំងម៉ូដែល MiG-29 ជាច្រើនទៀតដែលកំពុងថែទាំកំពុងដំណើរការ ហើយ “ការសម្រេចចិត្តត្រូវបានធ្វើឡើង” ។
រដ្ឋាភិបាលប៉ូឡូញបានឲ្យដឹងនៅសប្តាហ៍នេះ ដោយប្រទេសស្លូវ៉ាគី កាលពីថ្ងៃពុធថា សម្ព័ន្ធមិត្តក៏បានចង្អុលបង្ហាញថា ពួកគេត្រៀមខ្លួនជាស្រេចក្នុងការបញ្ជូនយន្តហោះប្រភេទ MiGs ទៅកាន់អ៊ុយក្រែនផងដែរ។
ការដឹកជញ្ជូននេះនឹងឆ្លងកាត់កម្រិតមួយក្នុងការបញ្ជូនកម្លាំងភ្លើងទៅកាន់អ៊ុយក្រែន ខណៈដែលសម្ព័ន្ធមិត្តលោកខាងលិច ជាច្រើនបានគូសខ្សែបន្ទាត់ក្នុងការចែកចាយយន្តហោះចម្បាំងដោយសារតែហានិភ័យនៃការអូសទាញចូលទៅក្នុងការប្រឈមមុខដាក់គ្នាដោយផ្ទាល់ជាមួយទីក្រុងម៉ូស្គូ។
ហើយខណៈពេលដែលយន្តហោះ ដែលមានវ័យចំណាស់មិនបំពេញតាមស្តង់ដារនៃយន្ដហោះចម្បាំងធុន F-16s ទំនើបជាង ឬម៉ូដែលស្រដៀងគ្នាដែលទីក្រុងគៀវ ចង់បានបំផុតនោះ ការដឹកជញ្ជូនយន្ដហោះចម្បាំងធុន MiG អាចបន្ថែមដល់កងនាវាអ៊ុយក្រែន ជាមួយនឹងយន្តហោះប្រតិបត្តិការ ឬគ្រឿងបន្លាស់ សម្រាប់ស្តុកដែលខូចរបស់វា។
សហរដ្ឋអាមេរិក បានពង្រឹងការគាំទ្ររបស់ខ្លួនសម្រាប់ការចែកចាយ។ អ្នកនាំពាក្យក្រុមប្រឹក្សាសន្តិសុខជាតិ លោក John Kirby បានហៅពួកគេថា “ការសម្រេចចិត្តអធិបតេយ្យភាព” ទោះបីជាលោកបានលើកឡើងថា វាមិនផ្លាស់ប្តូរការ គណនារបស់យើង” លើការសម្រេចចិត្តរបស់ប្រធានាធិបតីលោក ចូ បៃដិន មិនបញ្ជូនយន្តហោះចម្បាំង F-16 សម្រាប់ពេលនេះទេ៕
ប្រែសម្រួល ឈូក បូរ៉ា
