ម៉ូស្គូ៖ ក្រសួងការបរទេសរុស្ស៊ី បានឲ្យដឹងថា ខ្លួនសម្រេចចិត្ត ឆ្លុះកញ្ចក់ឲ្យឃើញនូវ សកម្មភាពអរិភាពរបស់អាល្លឺម៉ង់ និងបណ្តេញអ្នកការទូតអាល្លឺម៉ង់ ចេញពីប្រទេសរុស្ស៊ី។
ក្រសួងបានឲ្យដឹងនៅក្នុង សេចក្តីថ្លែងការណ៍មួយថា “អាជ្ញាធរអាល្លឺម៉ង់ បានសម្រេចចិត្តលើការបណ្តេញចេញ ដ៏ធំមួយផ្សេងទៀតនៃបុគ្គលិក នៃបេសកកម្មការទូតរុស្ស៊ី នៅក្នុងប្រទេសអាល្លឺម៉ង់។ យើងថ្កោលទោសយ៉ាងខ្លាំង ចំពោះសកម្មភាពទាំងនេះ របស់ទីក្រុងប៊ែរឡាំង ដែលបន្តបំផ្លាញទំនាក់ទំនងរុស្ស៊ី-អាល្លឺម៉ង់ ទាំងស្រុង”។
ចំនួនបុគ្គលិក អតិបរមានៅក្នុងបេសកកម្មការទូតអាល្លឺម៉ង់ នៅក្នុងប្រទេសរុស្ស៊ី ក៏នឹងមានកម្រិត “គួរឱ្យកត់សម្គាល់” ដោយបន្ថែមថានៅថ្ងៃទី០៥ ខែមេសា ឆ្នាំ២០២៣ ក្រសួងការបរទេសរុស្ស៊ី បានជូនដំណឹងជាផ្លូវការ ទៅឯកអគ្គរដ្ឋទូតអាល្លឺម៉ង់ ប្រចាំនៅប្រទេសរុស្ស៊ី Geza Andreas von Geyr អំពីការសម្រេចចិត្តនេះ។
ក្រសួងការបរទេសអាល្លឺម៉ង់ មិនទាន់បានប្រកាស ជាផ្លូវការអំពីរឿងនេះទេ។ កាលពីខែមេសា ឆ្នាំមុន អាល្លឺម៉ង់ បានប្រកាសបណ្ដេញអ្នកការទូតរុស្ស៊ី ៤០នាក់ ហើយរុស្ស៊ី បានប្រកាសពីការផ្លាស់ប្តូរ ជាការឆ្លើយតបផងដែរ៕ ប្រែសម្រួល ឈូក បូរ៉ា
