គៀវ៖ ទូរទស្សន៍ជាតិអ៊ុយក្រែន Suspilne បានរាយការណ៍កាលពីថ្ងៃអង្គារថា អាជ្ញាធរអ៊ុយក្រែន បានដកនិមិត្តសញ្ញា “ញញួរ និងកណ្ដៀវ” សម័យសូវៀតចេញពីវិមាន Motherland ក្នុងទីក្រុងគៀវ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
ក្រសួងវប្បធម៌ និងគោលនយោបាយព័ត៌មានអ៊ុយក្រែន បានឲ្យដឹងនៅក្នុងសេចក្តីថ្លែងការណ៍មួយថា និមិត្តសញ្ញាសូវៀត នៅលើវិមាននេះនឹងត្រូវបានជំនួសដោយអាវធំផ្លូវការរបស់អ៊ុយក្រែន នៅថ្ងៃទី២៤ ខែសីហា នៅពេលដែលប្រទេសនេះប្រារព្ធពិធីបុណ្យឯករាជ្យជាតិ។
សេចក្តីថ្លែងការណ៍នៅលើគេហទំព័ររបស់ក្រសួងបាននិយាយថា អ្នកជំនាញបានអនុវត្តការងារត្រៀមមួយចំនួន និងសាងសង់រូបចម្លាក់ដែកនៃត្រីកោណនេះ។ក្រសួងក៏បានឲ្យដឹងផងដែរថា ខ្លួននឹងពិចារណាលើសំណើ ដែលធ្វើឡើងដោយអ្នកវិទ្យាសាស្ត្រក្នុងស្រុក ដើម្បីប្តូរឈ្មោះវិមាន Motherland ទៅជាវិមាន Mother Ukraine។
គួរបញ្ជាក់ថា វិមាននេះត្រូវបានសម្ពោធនៅឆ្នាំ១៩៨១ វិមាន Motherland កម្ពស់ ១០២ ម៉ែត្រ ត្រូវបានគេចាត់ទុកថា ជានិមិត្តសញ្ញាស្ថាបត្យកម្មមួយនៃទីក្រុងគៀវ ក៏ដូចជាអ៊ុយក្រែនផងដែរ៕ ប្រែសម្រួល ឈូក បូរ៉ា
