រ៉ូម ៖ ទីស្តីការគណៈរដ្ឋមន្ត្រី របស់ប្រទេសអ៊ីតាលី បានអនុម័តគោលនយោបាយថ្មីមួយ ដើម្បីពង្រឹងបទប្បញ្ញត្តិ អន្តោប្រវេសន៍របស់ខ្លួន ដែលមានសក្តានុពល ដកចេញនូវការការពារទាក់ទង នឹងអាយុពិសេស សម្រាប់អ្នកស្វែង រកសិទ្ធិជ្រកកោនវ័យក្មេង ។
ចំណាត់ការនេះ គឺជាកំណែទម្រង់ចុងក្រោយបង្អស់ ក្នុងគោលបំណងទប់ស្កាត់ការកើនឡើង នៃលំហូរជនចំណាកស្រុក ដែលមកដល់អឺរ៉ុប ដែលភាគច្រើននៃពួកគេទៅ កាន់ព្រំដែន នៃប្រទេសអ៊ីតាលី ។
នៅក្រោមគោលការណ៍ថ្មី អាជ្ញាធរនឹងត្រូវបានអនុញ្ញាត ឱ្យវាយតម្លៃអាយុ នៃអ្នកមកដល់ថ្មីដែលមិនមានវត្តមាន ។ ប្រសិនបើបុគ្គលទាំងនេះ ត្រូវបានគណនាលើសពីអាយុ ១៦ឆ្នាំ ពួកគេអាចត្រូវបានដាក់នៅក្នុងមណ្ឌលឃុំឃាំង មនុស្សពេញវ័យដែលបំពេញ លើសពីសមត្ថភាពរួចទៅហើយ។
មុនពេលការផ្លាស់ ប្តូរនេះ កុមារ ដែលមកដល់ប្រទេសអ៊ីតាលី ដោយគ្មានអាណាព្យាបាល បានទទួលការការពារពិសេស ក្រោមគោលនយោបាយ សហភាព អឺរ៉ុប ដែលបានអនុម័តកាលពី ៦ឆ្នាំមុន ។
លើសពីនេះ គំនិតផ្តួចផ្តើមនេះ ផ្តល់អំណាចដល់អាជ្ញាធរ ក្នុងការនិរទេសជនបរទេស ដែលចាត់ទុកថាបង្កហានិភ័យដល់សណ្តាប់ធ្នាប់សាធារណៈ ឬសន្តិសុខជាតិ។ កាលពីសប្តាហ៍មុន រដ្ឋាភិបាលបានផ្តល់សិទ្ធិអំណាច ដល់មន្ត្រីព្រំដែនក្នុងការឃុំខ្លួនបុគ្គល ក្នុងមណ្ឌលឃុំឃាំងរហូតដល់ ១៨ ខែ។
យោងតាមទិន្នន័យ របស់អង្គការ អន្តរជាតិសម្រាប់ការធ្វើចំណាកស្រុក ជនចំណាកស្រុកជិត ២០ម៉ឺននាក់ បានមកដល់សហភាព អឺរ៉ុបដោយផ្លូវគោក និងផ្លូវសមុទ្រមកទល់ពេលនេះក្នុងឆ្នាំនេះ ដោយក្នុងចំណោមអ្នកមកដល់ទាំងនេះ ប្រហែលពីរភាគបី បានទៅដល់ប្រទេសអ៊ីតាលី ៕
ប្រែសម្រួល ឈូក បូរ៉ា
