បរទេស ៖ យោងតាមការ ចេញផ្សាយរបស់ RT មេបញ្ជាការជាន់ខ្ពស់នៃអង្គភាពកងកម្លាំងពិសេសក្រុមហេបូឡាឬ Hezbollah ត្រូវបានសម្លាប់ នៅក្នុងការវាយប្រហារ តាមអាកាសរបស់អ៊ីស្រាអែល មួយនៅភាគខាងត្បូង ប្រទេសលីបង់។
ការស្លាប់នេះបានបង្កើន ភាពតានតឹង បន្ថែមទៀត ខណៈដែលសង្រ្គាម រវាងរដ្ឋាភិបាលអ៊ីស្រាអែល ជាមួយក្រុមហាម៉ាស កំពុងបន្តការគំរាម កំហែង ពង្រីកនៅក្នុងតំបន់ដូចគ្នា។
ការិយាល័យប្រព័ន្ធ ផ្សព្វផ្សាយ យោធារបស់ក្រុម Hezbollah បានបញ្ជាក់ពីការស្លាប់នេះ កាលពីថ្ងៃចន្ទ ដែលគេបានដឹងដែរថា លោក Wissam al-Tawil គឺជាអនុប្រធាននៃអង្គភាពបញ្ជាការសម្ងាត់ របស់ក្រុមសកម្មប្រយុទ្ធ ។
គាត់ និងយុទ្ធជនហេសបូឡាម្នាក់ទៀត ត្រូវបានគេរាយការណ៍ថា បានស្លាប់នៅពេលរថយន្តស្ព័រដែលពួកគេកំពុងជិះត្រូវបានវាយប្រហារដោយកាំជ្រួចនៅក្នុងក្រុង Majdal Selm ប្រទេសលីបង់ ចម្ងាយប្រហែលបួនម៉ាយភាគខាងជើងព្រំដែនអ៊ីស្រាអែល ៕
ប្រែសម្រួល៖ស៊ុនលី
