អង់គ្លេស ៖ ក្រុមដែលគាំទ្រ ប្រទេសប៉ាឡេស្ទីន បានធ្វើឲ្យខូចទ្រង់ទ្រាយ និងកាត់រូបគំនូររបស់លោក Lord Arthur James Balfour ជារដ្ឋមន្ត្រីការបរទេស អង់គ្លេស ដែលសេចក្តី ថ្លែងការណ៍ ឆ្នាំ ១៩១៧ មានសារសំខាន់ ក្នុងការបង្ហាញពីភាពត្រឹមត្រូវ នៃការគាំទ្រសម្រាប់ ការបង្កើតរដ្ឋអ៊ីស្រាអែល ។
វីដេអូនេះបានចេញផ្សាយកាលពីថ្ងៃសុក្រ ដោយសកម្មភាពប៉ាឡេស្ទីន បានបង្ហាញសកម្មជនម្នាក់ បានបាញ់ថ្នាំរូបគំនូរ Balfour ឆ្នាំ ១៩១៤ ដោយវិចិត្រករជនជាតិ ហុងគ្រី Philip Alexius de Laszlo ដែលកំពុងព្យួរនៅមហាវិទ្យាល័យ Trinity ទីក្រុង Cambridge ហើយកាត់វាម្តង ហើយម្តងទៀត ដោយវត្ថុមុតស្រួច ។
សកម្មភាពប៉ាឡេស្ទីន បានអះអាងថា សេចក្តីប្រកាស Balfour បានសម្គាល់ការចាប់ផ្តើម នៃការបោសសំអាតជនជាតិនៅប៉ាឡេស្ទីន។
សេចក្តីថ្លែងការណ៍ បានចេញផ្សាយនៅលើគេហទំព័រផ្លូវការរបស់ក្រុមនេះថា សេចក្តីថ្លែងការណ៍របស់ លោក Balfour បានសន្យាថា នឹងសាងសង់ផ្ទះជាតិ សម្រាប់ប្រជាជន ជ្វីហ្វនៅប៉ាឡេស្ទីន ដែលភាគច្រើន នៃប្រជាជនជនជាតិដើម មិនមែនជាជនជាតិជ្វីហ្វ លោកបានប្រគល់ទឹកដី កំណើតរបស់ប៉ាឡេស្ទីនជាដីមិនមែនជា របស់លោកដែលត្រូវប្រគល់ឲ្យនោះទេ ។
នេះបើយោងតាមអាជ្ញាធរសុខាភិបាលហ្គាហ្សាថា ចក្រភពអង់គ្លេស បានឃើញការតវ៉ាគាំទ្រប៉ាឡេស្ទីន និងគាំទ្រអ៊ីស្រាអែលជាញឹកញាប់ចាប់តាំងពីថ្ងៃទី ៧ ខែតុលា ឆ្នាំមុន នៅពេលក្រុមសកម្មប្រយុទ្ធ Hamas បានវាយប្រហារអ៊ីស្រាអែល ភាគខាងត្បូង ដោយបានសម្លាប់មនុស្សប្រហែល ១២០០ នាក់ និងចាប់ចំណាប់ខ្មាំងជាង ២០០ នាក់ ។ អ៊ីស្រាអែលបានឆ្លើយតបដោយប្រកាស សង្រ្គាមលើក្រុមហាម៉ាស និងបើកប្រតិបត្តិការយោធានៅតំបន់ហ្កាហ្សា។ រហូតមកដល់ពេលនេះ ប្រជាជនប៉ាឡេស្ទីនជាង ៣០,០០០នាក់បានស្លាប់នៅក្នុងជម្លោះ ។
កាលពីដើមសប្តាហ៍នេះ និស្សិត មកពីសាកលវិទ្យាល័យ Leeds បានកាន់កាប់អគារ ក្នុងបរិវេណសាលា ដើម្បីតវ៉ាចំពោះទំនាក់ទំនង របស់សាកលវិទ្យាល័យជាមួយ អ៊ីស្រាអែល ។ ក្រុមបាតុករទាមទារឲ្យអាជ្ញាធរ សាកលវិទ្យាល័យ បណ្តេញគ្រូបង្រៀន នៅសាកលវិទ្យាល័យ ដែលបានត្រឡប់ទៅបម្រើក្នុងជួរកងទ័ពអ៊ីស្រាអែលវិញ បន្ទាប់ពីថ្ងៃទី ៧ ខែតុលា ។
កាលពីខែមុន មនុស្សរាប់ម៉ឺននាក់ ត្រូវបានគេរាយការណ៍ថា បានចូលរួមក្នុងការហែក្បួនគាំទ្រ ប៉ាឡេស្ទីន នៅកណ្តាលទីក្រុងឡុងដ៍ ដោយអំពាវនាវ ឲ្យមានបទឈប់បាញ់ ជាបន្ទាន់នៅក្នុងតំបន់ហ្គាហ្សា ៕
ដោយ៖លី ភីលីព
