អូម៉ង់៖ រដ្ឋធានី Muscat របស់ប្រទេសអូម៉ង់ គ្រោងនឹងទទួល បានការពង្រីកទំហំទឹកប្រាក់ចំនួន ១.៣ ពាន់លានដុល្លារ អាមេរិក ដើម្បីការអភិវឌ្ឍន៍ តតំបន់មាត់ទន្លេ ដែលត្រូវបានរចនាឡើងដោយស្ថាបត្យករ Zaha Hadid (ZHA) ដ៏ល្បីល្បាញទូទាំងពិភពលោក ។
គម្រោងអភិវឌ្ឍន៍ នៅទីប្រជុំជន Al Khuwair Muscat និង Waterfront ទំហំផ្ទៃដី ៣.៣ លានម៉ែត្រការ៉េនឹងរួមបញ្ចូល អគារលំនៅដ្ឋាន កន្លែងចតទូក កន្លែងវប្បធម៌ ផ្លូវដើរតាមប្រឡាយជាច្រើន និងបរិវេណសាលា។ ការងារគ្រោងនឹង ចាប់ផ្តើមនៅចុងឆ្នាំនេះ ហើយតំបន់នេះត្រូវបានគេរំពឹងថានឹងមានប្រជាជនជាង ៦០,០០០ នាក់នៅពេលដែលបានបញ្ចប់ ។
នាយករងរបស់ ZHA គឺស្ថាបត្យករ Paolo Zilli បានប្រាប់ CNN ថា លោកបានចំណាយពេល ប្រហែលមួយឆ្នាំ ដើម្បីបញ្ចប់គំរូ ដែលលោកបានបង្ហាញ ដល់ក្រសួងលំនៅដ្ឋាន និងនគរូបនីយកម្មរបស់ប្រទេសអូម៉ង់។ កណ្តាលនៃការ រចនារបស់ ZIlli នឹងជួយសម្រួលដល់ការដឹកជញ្ជូនសាធារណៈ។ លោកបានបន្តថា ចក្ខុវិស័យគឺពិត ជាដករថយន្តចេញ ដករបងទាំងអស់ និងបង្កើតបរិវេណក្រសួង ដែលមានមុខងារជាច្រើន ដែលអាចទាក់ទាញគ្រួសារ និងមនុស្សជំនាន់ថ្មី ។
លោក ZHA និយាយថា វានឹងលើកទឹកចិត្តអ្នកថ្មើរជើងដោយផ្តល់នូវការដាក់ស្រមោល និងភាពត្រជាក់អកម្ម ព្រមទាំងបញ្ចូលហេដ្ឋារចនាសម្ព័ន្ធ ដើម្បីកែលម្អសុវត្ថិភាពជិះកង់។ ការប្រើប្រាស់ថាមពលពន្លឺព្រះអាទិត្យ នៅនឹងកន្លែងនឹងត្រូវបានពង្រីកអតិបរមា ហើយប្រភេទរុក្ខជាតិដើមនឹងត្រូវបានអភិរក្ស និងស្ដារឡើងវិញ។
សេដ្ឋកិច្ចរបស់ប្រទេសអូម៉ង់ បានពឹងផ្អែកលើប្រេង ជាយូរមកហើយ ប៉ុន្តែឥឡូវនេះវាកំពុងវិនិយោគ យ៉ាងច្រើនក្នុងគម្រោង អចលនទ្រព្យដើម្បីជំរុញការវិនិយោគពីបរទេសកាន់តែច្រើន ហើយទីបំផុតជំរុញប្រាក់ចំណូលមិនមែនប្រេង ជាផ្នែកនៃយុទ្ធសាស្ត្រ ចក្ខុវិស័យជាតិឆ្នាំ ២០៤០ របស់ប្រទេសនេះ។ នៅ Muscat ចំនួនប្រជាជនត្រូវបាន ព្យាករណ៍ថា នឹងកើនឡើងពី ១.៥ លាននាក់ទៅ ២.៧ លាននាក់នៅឆ្នាំនោះ។
លោកវេជ្ជបណ្ឌិត Khalfan bin Saeed bin Mubarak al-Shueili រដ្ឋមន្ត្រីក្រសួងលំនៅដ្ឋាន និងនគរូបនីយកម្ម នៃប្រទេសអូម៉ង់បានប្រាប់ CNN ថា មានការផ្លាស់ប្តូរ ជាច្រើន យើងនឹងធ្វើការផ្លាស់ប្តូរ សេដ្ឋកិច្ចដោយផ្អែក លើទេពកោសល្យ និងជំនាញសមត្ថភាព ហើយប្រហែលជាវិ ស័យឌីជីថលផងដែរ ។
ទីក្រុង Muscat ខ្លួនយើងរំពឹងថា នឹងមានតម្រូវការផ្ទះចំនួន ៣០០,០០០ ផ្សេងទៀត ហើយប្រសិនបើយើង កំពុងតែធ្វើការល្អនោះ នេះប្រហែលជាអាចពង្រីក ដល់ទៅ ៦០០,០០០ផ្ទះ៕
ដោយ៖លី ភីលីព
