វៀតណាម ៖ ក្រុមហ៊ុនផលិត រថយន្តយក្សជប៉ុន Honda បានប្រមូលរថយន្តចំនួន ១៤,១៦២ គ្រឿង ក្នុងប្រទេសវៀតណាម ដែលផលិតក្នុងចន្លោះឆ្នាំ ២០១៧ និង ២០១៩ ដោយសារមានបញ្ហាបូមប្រេង ។
ការប្រមូលមកវិញ បានប៉ះពាល់ដល់ម៉ូដែលជាច្រើនដូចជា ម៉ូដែល Honda Jazz ម៉ូដែល Civic ម៉ូដែល CR-V ម៉ូដែលAccord និងម៉ូដែល City ដោយបំពាក់នូវម៉ាស៊ីនបូមប្រេងត្រូវបានទម្រង់ មិនត្រឹមត្រូវ ដែលនាំឲ្យដង់ស៊ីតេទាប ។
ក្រុមហ៊ុន Honda បាននិយាយក្នុងសេចក្តីថ្លែងការណ៍មួយថា យូរៗទៅ សន្ទះបិទបើកដែលមានដង់ស៊ីតេទាប អាចខូចទ្រង់ទ្រាយ និងរំខានដល់តួបូមប្រេងឥន្ធនៈ ធ្វើឲ្យស្នប់ប្រេងមិនដំណើរការ ។ ក្រុមហ៊ុនបានបន្តថា ប្រសិនបើម៉ូឌុលបូមប្រេង មិនដំណើរការ ម៉ាស៊ីនអាចនឹងមិនចាប់ផ្តើម ឬអាចឈប់នៅពេលបើកបរ ដែលបង្កើន ហានិភ័យនៃការគាំង ឬរបួស ។
Honda មិនបានទទួលរបាយការណ៍ អំពីការធ្លាក់ ឬរបួសទាក់ទងនឹងបញ្ហានេះនៅប្រទេសវៀតណាមទេ ។ រថយន្តនេះត្រូវបានផលិតនៅចន្លោះខែកញ្ញា ឆ្នាំ ២០១៧ ដល់ ខែមករា ឆ្នាំ ២០១៩ ។
ក្រុមហ៊ុន Honda បាននិយាយថា អតិថិជនចំនួន ៦៨ នាក់ បានប្តូរម៉ាស៊ីនបូមប្រេង របស់ពួកគេកាលពីអតីតកាល គួរតែនាំយករថយន្តរបស់ពួកគេ ទៅឲ្យឈ្មួញដើម្បីពិនិត្យ និងផ្លាស់ប្តូរប្រសិនបើចាំបាច់។ អតិថិជននឹងទទួលបានម៉ាស៊ីនបូមប្រេងថ្មី ដោយឥតគិតថ្លៃ ។
ម៉ាករថយន្តជប៉ុន រួមមាន Honda Toyota Lexus និង Mitsubishi បាននឹងកំពុងប្រមូល រថយន្តរបស់ពួកគេឡើងវិញ ក្នុងចំនួនដ៏ច្រើនក្នុងប៉ុន្មានឆ្នាំថ្មីៗនេះ ដោយសារការប្រើប្រាស់ម៉ាស៊ីនបូម ប្រេងពីក្រុមហ៊ុនផ្គត់ផ្គង់ Denso ៕
ដោយ៖លី ភីលីព
