អាល្លឺម៉ង់ ៖ ក្រុមហ៊ុនផលិតបន្ទះឈីប របស់អាល្លឺម៉ង់ Infineon បាននិយាយថា ខ្លួននឹងកាត់បន្ថយបុគ្គលិកចំនួន ១,៤០០នាក់ និងផ្លាស់ប្តូរទីតាំងចំនួន១,៤០០ បន្ថែមទៀត ដោយសារតែបរិយាកាស ទីផ្សារដ៏លំបាក ខណៈខ្លួនបានប្រកាសថា ប្រាក់ចំណេញធ្លាក់ចុះ និងបន្ទាបទស្សនវិស័យរបស់ខ្លួន យោងតាមការចេញផ្សាយពីគេហទំព័រ Japan Today ។
ក្រុមហ៊ុនផលិតបន្ទះឈីបបាននិយយថា ការកាត់បន្ថយបុគ្គលិកទំាងនេះស្ថិតក្នុងចំណោមបុគ្គលិកប្រហែល ៥៨,៦០០ នាក់នៅទូទាំងពិភពលោក គឺជាផ្នែកមួយ នៃការរៀបចំរចនាសម្ព័ន្ធឡើងវិញ ពេញមួយក្រុមហ៊ុន ដែលត្រូវបានចាប់ផ្តើម ក្នុងខែឧសភា។
នាយកប្រតិបត្តិ Jochen Hanebeck បាននិយាយនៅ ក្នុងសេចក្តីថ្លែងការណ៍មួយថា កម្មវិធីនេះមានគោលបំណងពង្រឹង សមត្ថភាពប្រកួតប្រជែងរបស់យើង ហើយទន្ទឹមនឹងការចេញផ្សាយ លទ្ធផលសម្រាប់ត្រីមាសទី៣នៃឆ្នាំហិរញ្ញវត្ថុរបស់ក្រុម។
អ្នកនាំពាក្យម្នាក់បានបញ្ជាក់ ប្រាប់ AFP ថា បុគ្គលិកទាំងនោះនឹងត្រូវកាត់បន្ថយ និងផ្លាស់ប្តូរទីតាំងទៅកាន់ទីតាំង ដែលមានតម្លៃទាប ដោយមិនបានផ្តល់ព័ត៌មានលម្អិតបន្ថែមទៀតឡើយ ។ ដំណឹងនេះកើតឡើង បន្ទាប់ពីក្រុមហ៊ុន យក្សរបស់អាមេរិក Intel បានប្រកាសកាលពីសប្តាហ៍មុនថា ខ្លួននឹងកាត់បន្ថយបុគ្គលិករបស់ខ្លួនច្រើនជាង ១៥ ភាគរយ ខណៈខ្លួនចង់កាត់បន្ថយការចំណាយប្រហែល ២០ ពាន់លានដុល្លារក្នុងឆ្នាំនេះ។
ក្រុមហ៊ុន Infineon បានរាយការណ៍ពីប្រាក់ចំណេញសុទ្ធចំនួន ៤៤១ លានដុល្លារក្នុងរយៈពេល ៣ ខែដល់ចុងខែមិថុនា ធ្លាក់ចុះ ៥២ ភាគរយធៀបនឹងឆ្នាំមុន។ ប្រាក់ចំណូលនៅសល់ ៣.៧ ពាន់លានអឺរ៉ូ ធ្លាក់ចុះពីប្រហែល ៤.១ ពាន់លានកាលពីឆ្នាំមុន។
ក្រុមនេះបានបន្ទាបទស្សនវិស័យរបស់ខ្លួនសម្រាប់ឆ្នាំ ២០២៤ ឥឡូវនេះរំពឹងថាប្រាក់ចំណូលប្រហែល ១៥ ពាន់លានអឺរ៉ូ។ នោះគឺជាការបន្ទាបចំណាត់ថ្នាក់ទីបីក្នុងរយៈពេលថ្មីៗនេះ ដោយក្រុមហ៊ុន Infineon មានការរំពឹងទុកមុនការលក់ប្រហែល ១៦ ពាន់លានអឺរ៉ូ ៕
