ញូវយ៉ក៖ ប្រធានាធិបតីវេណេស៊ុយអេឡា លោក នីកូឡាស ម៉ាឌូរ៉ូ បានសារភាពថា មិនមានទោស ចំពោះការចោទប្រកាន់ទាំងអស់ របស់សហរដ្ឋអាមេរិក ក្នុងអំឡុងពេលបង្ហាញខ្លួន នៅតុលាការលើកដំបូង របស់លោកនៅទីក្រុងញូវយ៉ក។
លោក ម៉ាឌូរ៉ូ បានលេីកឡេីងថា “ខ្ញុំគ្មានទោស ខ្ញុំមិនមានទោសនោះទេ” ដោយបន្ថែមថាលោកត្រូវបាន “ចាប់ជំរិត” នៅផ្ទះរបស់លោកនៅទីក្រុងការ៉ាកាស ហើយថាលោកនៅតែជាប្រធានាធិបតីនៃប្រទេសវេណេស៊ុយអេឡា នេះបើយោងតាមប្រព័ន្ធផ្សព្វផ្សាយនៅក្នុងបន្ទប់សវនាការ។
ភរិយារបស់លោក ម៉ាឌូរ៉ូ គឺលោកស្រី Cilia Flores បានឧ្យដឹងនៅតុលាការថា លោកគ្មានទោសទាំងស្រុង ចំពោះការចោទប្រកាន់ដែលសហរដ្ឋអាមេរិក បានចោទប្រកាន់ប្រឆាំងនឹងលោកនោះទេ។ សវនាការបន្ទាប់លើសំណុំរឿងប្រឆាំងនឹងលោក ម៉ាឌូរ៉ូ ត្រូវបានគ្រោងធ្វើនៅថ្ងៃទី២៧ ខែមីនា។
ក្រុមបាតុករដែលប្រមូលផ្តុំគ្នានៅខាងក្រៅតុលាការបានស្រែកពាក្យស្លោក និងកាន់បដាដែលមានពាក្យថា “ដោះលែងលោក ម៉ាឌូរ៉ូ គ្មានសង្គ្រាមលើប្រទេសវេណេស៊ុយអេឡា និងសហរដ្ឋអាមេរិកមិនព្រមប្រគល់ប្រទេសវេណេស៊ុយអេឡា”។
លោកស្រី Sydney Loving ដែលជាអ្នកតវ៉ាម្នាក់បានប្រាប់ស៊ីនហួថា “ការចោទប្រកាន់ទាំងនេះគឺហួសហេតុពេកហើយ យើងប្រឆាំងនឹងការជ្រៀតជ្រែកណា មួយដូចនោះលើប្រទេសអធិបតេយ្យ”៕
ប្រែសម្រួល ឈូក បូរ៉ា
