ម៉ិកស៊ិក៖ ប្រធានាធិបតីម៉ិកស៊ិកលោកស្រី Claudia Sheinbaum បានបញ្ជាក់ថា រដ្ឋាភិបាលនឹងបន្តដឹកជញ្ជូនប្រេងទៅកាន់ប្រទេសគុយបា ទោះបីជាមានសម្ពាធពីសហរដ្ឋអាមេរិកក៏ដោយ។
ក្នុងអំឡុងពេលសន្និសីទសារព័ត៌មាននៅវិមានជាតិ លោកស្រី Sheinbaum បានសង្កត់ធ្ងន់ថា ការសម្រេចចិត្តនេះស្របតាមគោលនយោបាយការបរទេសប្រវត្តិសាស្ត្ររបស់ប្រទេសម៉ិកស៊ិក ហើយការដឹកជញ្ជូនប្រេងគឺជាផ្នែកមួយនៃការសម្រេចចិត្តអធិបតេយ្យភាពរបស់ប្រទេស។
យោងតាមលោកស្រី Sheinbaum ការដឹកជញ្ជូនត្រូវបានអនុវត្តតាមរយៈកិច្ចសន្យារវាងក្រុមហ៊ុនប្រេងរដ្ឋ Petroleos Mexicanos (Pemex) និងស្ថាប័នរដ្ឋាភិបាលគុយបា ដែលជាផ្នែកមួយនៃជំនួយមនុស្សធម៌របស់ម៉ិកស៊ិកសម្រាប់ប្រទេសគុយបា។ លោកស្រីបានបន្ថែមថា Pemex ទទួលខុសត្រូវក្នុងការកំណត់ការដឹកជញ្ជូនស្របតាមកិច្ចសន្យា។
លោកស្រី Sheinbaum បានដោះស្រាយការរំពឹងទុកថ្មីៗនេះថា ម៉ិកស៊ិកកំពុងឱនក្បាលចំពោះសម្ពាធរបស់សហរដ្ឋអាមេរិកក្នុងការបញ្ឈប់ការដឹកជញ្ជូនប្រេង ដែលបានកើតឡើងបន្ទាប់ពីរបាយការណ៍របស់ Bloomberg បានបង្ហាញថា ការដឹកជញ្ជូនខែមករា ត្រូវបានផ្អាក។
លោកប្រធានាធិបតីបានលេីកឡេីងថា «ខ្ញុំមិនដែលនិយាយអ្វីទាំងអស់អំពីថាតើវាត្រូវបានផ្អាក ឬអត់នោះទេ នោះគឺជាការបកស្រាយនៅពេលក្រោយដោយផ្អែកលើអត្ថបទកាសែតមួយ» ដោយបដិសេធការសម្រេចចិត្តជាផ្លូវការណាមួយទាក់ទងនឹងរឿងនោះ៕
ប្រែសម្រួល ឈូក បូរ៉ា
