ទីក្រុងប៉ាតាយ៉ា ៖យោងតាមការចេញផ្សាយ ពីគេហទំព័រ thethaiger បានប្រាប់ឲ្យដឹងថា ជនបរទេសម្នាក់ ត្រូវថតបាននៅពេលលោកកំពុងរត់អាក្រាតកាយ តាមបណ្តោយផ្លូវឆ្នេរនៅទីក្រុងប៉ាតាយ៉ាកាលពីថ្ងៃចន្ទ ទី៩ ខែមីនា ដែលធ្វើឲ្យអ្នកមើលមានការងឿងឆ្ងល់ ខណៈសាក្សីបាននិយាយថា លោកហាក់ដូចជាភ័យខ្លាច ហើយរត់ដូចជា លោកកំពុងព្យាយាមរត់គេចពីគ្រោះថ្នាក់។
វីដេអូនេះត្រូវបានចែកចាយនៅលើបណ្តាញសង្គមថៃកាលពីថ្ងៃចន្ទ ទី៩ ខែមីនា ដោយបង្ហាញពីបុរសបរទេសម្នាក់កំពុងរត់តាមដងផ្លូវក្បែរផ្លូវ Soi Pattaya 12 ដោយគ្មានសម្លៀកបំពាក់ ហើយប្រើដៃរបស់គាត់ដើម្បីបិទបាំងប្រដាប់ភេទរបស់គាត់។ គាត់ត្រូវបានគេរាយការណ៍ថា ហាក់ដូចជាប្រញាប់ប្រញាល់ ហើយមើលទៅដូចជាគាត់កំពុងរត់គេចពីអ្វីមួយ។
វីដេអូនេះត្រូវបានថតដោយ លោក Jakkrit Manyimud អាយុ ៣៥ ឆ្នាំ បានប្រាប់ប្រព័ន្ធផ្សព្វផ្សាយក្នុងស្រុកថា គាត់កំពុងជិះម៉ូតូតាមបណ្តោយផ្លូវឆ្នេរ នៅពេលដែលគាត់បានកត់សម្គាល់ឃើញបុរសបរទេសនោះ។ លោក Jakkrit បានបន្តថា បុរសនោះហាក់ដូចជាមិនស្ថិតនៅក្រោមឥទ្ធិពលនៃគ្រឿងស្រវឹង ឬសារធាតុញៀនផ្សេងទៀតទេ។ លោកបានបន្ថែមថា អ្នករត់អាក្រាតកាយហាក់ដូចជាប្រញាប់ប្រញាល់។ លោកមិនបានដឹងពីសញ្ជាតិរបស់បុរសនោះ ឬកន្លែងដែលគាត់កំពុងធ្វើដំណើរនោះទេ។
អ្នកប្រើប្រាស់បណ្ដាញសង្គមជាច្រើនបានបញ្ចេញមតិថា ពួកគេក៏បានឃើញបុរសបរទេសអាក្រាតកាយនៅថ្ងៃដដែលនោះដែរ។ ក្រោយមក ស្ត្រីថៃម្នាក់បាននិយាយថា នាងបានឃើញគាត់នៅថ្ងៃបន្ទាប់នៅជិតផ្លូវ Soi Bua Khao។ គាត់មិនបានបង្ហាញសញ្ញានៃការស្រវឹងស្រា ឬជំងឺផ្លូវចិត្តទេ ហើយបានបន្ថែមថា នាងគិតថា គាត់មើលទៅគួរឲ្យទាក់ទាញ។
គិតត្រឹមពេលនេះ មិនមានព័ត៌មានលម្អិតបន្ថែម អំពីបុរសបរទេស ឬអ្វីដែលនាំឱ្យមានហេតុការណ៍នេះទេ។ មន្ត្រីប៉ូលីសក្នុងតំបន់មិនទាន់ បានធ្វើសេចក្តីថ្លែងការណ៍ជាសាធារណៈណាមួយ អំពីបញ្ហានេះនៅឡើយទេ៕
