វ៉ាស៊ីនតោន៖ រដ្ឋមន្ត្រីការបរទេសអាមេរិក លោក Marco Rubio បានឧ្យដឹងថា យុទ្ធនាការយោធារបស់សហរដ្ឋអាមេរិកប្រឆាំងនឹងអ៊ីរ៉ង់ ដែលបានចាប់ផ្តើមរួមគ្នាជាមួយអ៊ីស្រាអែល នៅថ្ងៃទី២៨ ខែកុម្ភៈ ត្រូវបានបញ្ចប់ហើយ។
លោក Rubio បានឧ្យដឹងនៅក្នុងសន្និសីទសារព័ត៌មានមួយនៅសេតវិមានថា “ប្រតិបត្តិការនេះចប់ហើយ Epic Fury ដូចដែលប្រធានាធិបតីអាមេរិកលោក ដូណាល់ ត្រាំ បានជូនដំណឹងដល់សភាដោយថា យើងបានបញ្ចប់ដំណាក់កាលនោះហើយ”។
លោកបានលេីកឡេីងថា “ឥឡូវនេះយើងកំពុងបន្តគម្រោងសេរីភាពនេះ” ដែលជាប្រតិបត្តិការយោធា ដែលមន្ទីរបញ្ចកោណបានចាប់ផ្តើមកាលពីថ្ងៃចន្ទ ដើម្បីណែនាំនាវាពាណិជ្ជកម្មដែលជាប់គាំងចេញពីច្រកសមុទ្រហ័រមូស លោក Rubio បានបន្ត ដោយកត់សម្គាល់ថា អាទិភាពរបស់ទីក្រុងវ៉ាស៊ីនតោនឥឡូវនេះ គឺការបើកផ្លូវទឹកថាមពលសកលដ៏សំខាន់ឡើងវិញ។
នៅក្នុងនោះដែរប្រធានាធិបតីអាមេរិក លោក ដូណាល់ ត្រាំ បានឧ្យដឹងថា គម្រោង Freedom ដែលជាប្រតិបត្តិការយោធារបស់សហរដ្ឋអាមេរិក ដែលមានគោលបំណងដឹកនាំកប៉ាល់ចេញពីច្រកសមុទ្រហ័រមូស នឹងត្រូវផ្អាក ដើម្បីមើលថាតើកិច្ចព្រមព្រៀងសន្តិភាពអាចសម្រេចបានរវាងទីក្រុងវ៉ាស៊ីនតោន និងទីក្រុងតេអេរ៉ង់ ដែរឬអត់។
លោក ត្រាំ បានសរសេរនៅលើវេទិកាប្រព័ន្ធផ្សព្វផ្សាយសង្គមរបស់លោកថា “ខណៈពេលដែលការបិទផ្លូវនឹងនៅតែមានសុពលភាពពេញលេញ គម្រោង Freedom (ចលនាកប៉ាល់ឆ្លងកាត់ច្រកសមុទ្រហ័រមូស) នឹងត្រូវផ្អាកក្នុងរយៈពេលខ្លី ដើម្បីមើលថាតើកិច្ចព្រមព្រៀងអាចត្រូវបានបញ្ចប់ និងចុះហត្ថលេខា ដែរឬអត់”។
លោក ត្រាំ បានលេីកឡេីងថា ការសម្រេចចិត្តនេះគឺផ្អែកលើសំណើរបស់ប៉ាគីស្ថាន និងប្រទេសដទៃទៀត ក៏ដូចជា “វឌ្ឍនភាពដ៏អស្ចារ្យ ដែលសម្រេចបានឆ្ពោះទៅរកកិច្ចព្រមព្រៀងពេញលេញ និងចុងក្រោយជាមួយតំណាងអ៊ីរ៉ង់”។
រដ្ឋមន្ត្រីការបរទេសអាមេរិក លោក Marco Rubio បានឧ្យដឹងថា យុទ្ធនាការយោធារបស់សហរដ្ឋអាមេរិកប្រឆាំងនឹងអ៊ីរ៉ង់ ដែលបានចាប់ផ្តើមរួមគ្នាជាមួយអ៊ីស្រាអែល នៅថ្ងៃទី២៨ ខែកុម្ភៈ គឺចប់ហើយ ខណៈដែលទីក្រុងវ៉ាស៊ីនតោន បានប្តូរការផ្តោតអារម្មណ៍ទៅ Project Freedom ក្នុងកិច្ចខិតខំប្រឹងប្រែង ដើម្បីបើកផ្លូវទឹកថាមពលសកលដ៏សំខាន់ឡើងវិញ៕
ប្រែសម្រួល ឈូក បូរ៉ា
