កូរ៉េខាងត្បូង៖យោងតាមរបាយការណ៍ បាននិយាយថា ក្រុមហ៊ុន ADOR បានធ្វើការផ្លាស់ប្តូរគួរឲ្យកត់សម្គាល់ ក្នុងបណ្តឹងទាមទារសំណងរបស់ខ្លួនប្រឆាំង នឹងអតីតសមាជិកក្រុមតារាចម្រៀងនារីកូរ៉េខាងត្បូង NewJeans គឺនាង Danielle និងអតីតនាយកប្រតិបត្តិ ADOR លោក Min Hee Jin ហើយ យោងតាមការចេញផ្សាយពីគេហទំព័រ koreaboo។
យោងតាមរបាយការណ៍របស់ MyDaily នៅថ្ងៃទី ៤ ខែមិថុនា ថា ADOR បានកែសម្រួលចំនួនទឹកប្រាក់ សំណងដែលខ្លួនបានស្វែងរក្នុងបណ្តឹងប្រឆាំងនឹងនាង Danielle និងក្រុមគ្រួសាររបស់នាង ក៏ដូចជាលោក Min។ ចំនួនទឹកប្រាក់នេះត្រូវបានកាត់បន្ថយពី ៤៣.១ ពាន់លានវ៉ុន (ប្រហែល ២៨.១ លានដុល្លារអាមេរិក) មកត្រឹម ៣៣.១ ពាន់លានវ៉ុន (ប្រហែល ២១.៦ លានដុល្លារអាមេរិក)។
ដោយពន្យល់ពីការសម្រេចចិត្តរបស់ពួកគេ ADOR បាននិយាយថា បន្ទាប់ពីមេធាវីថ្មីត្រូវបានតែងតាំងសម្រាប់ករណីនេះ ពួកគេបានរៀបចំរចនាសម្ព័ន្ធបណ្តឹងឡើងវិញនៅពេលពិនិត្យឡើងវិញ។ កាលពីខែមុន ADOR បានជំនួសក្រុមមេធាវីទាំងមូលរបស់ខ្លួនពាក់ព័ន្ធនឹងបណ្តឹងនេះ ដែលមានមេធាវីចំនួនប្រាំនាក់មកពីក្រុមហ៊ុនច្បាប់ Kim & Chang ជាមួយនឹងមេធាវីចំនួន ៤ នាក់មកពីក្រុមហ៊ុនច្បាប់ Leehan។សវនាការបន្ទាប់នៃករណីនេះគ្រោងទុកនៅថ្ងៃទី ១១ ខែមិថុនា ។
ការជំនួសក្រុមមេធាវីភ្លាមៗនេះត្រូវបានគេមើលឃើញថា ជាយុទ្ធសាស្ត្រអយុត្តិធម៌មួយដោយ ADOR ដើម្បីពន្យារពេលបណ្តឹង។ អ្នកគាំទ្រក៏ជឿជាក់ថា ក្រុមហ៊ុនខ្វះភស្តុតាងគ្រប់គ្រាន់ដើម្បីប្តឹងនាង Danielle ហើយការកែប្រែចុងក្រោយបំផុតចំពោះការទាមទារសំណងរបស់ខ្លួនបានទាក់ទាញការសង្ស័យបន្ថែមទៀត៕
