ក្លឹប Paris St-Germain រកបាន២គ្រាប់ចុងម៉ោង វាយបកយកឈ្នះ Atalanta បានឡើងទៅកាន់វគ្គ៤ក្រុមចុងក្រោយ Champions League ជាលើកដំបូង ក្នុងរយៈពេល២៥ឆ្នាំ។
Atalanta ជាអ្នករកគ្រាប់បានមុន នៅនាទី២៧ ជាការទាត់ចូលរបស់កីឡាករ Mario Pasalic។ PSG ស្ទើរតែអស់សង្ឃឹមទៅហើយ ប៉ុន្តែនាទី៩០ ខ្សែការពារ Marquinho រកបានមួយគ្រាប់សងវិញ។ ហើយនៅ៣នាទីបន្ទាប់ខ្សែប្រយុទ្ធ Eric Maxim Choupo-Moting បានបន្ថែមមួយគ្រាប់ទៀត ជួយឲ្យ PSG ឈ្នះតែម្ដង។
តាមរយៈជ័យជម្នះនេះ PSG នឹងឡើងទៅជួប RB Leipzig ឬ Atletico Madrid ក្នុងវគ្គ៤ក្រុមចុងក្រោយ ដែលត្រូវលេងនៅថ្ងៃអង្គារ សប្ដាហ៍ក្រោយ៕ ប្រភព៖ sabay
