តូក្យូ៖លោក Sebastian Coe បានឈរនៅគែមផ្លូវនៅពហុកីឡដ្ឋានជាតិថ្មីរបស់ទីក្រុងតូក្យូដោយស្លៀកឈុតខៀវ ហើយនិយាយក្រោមតំណក់ទឹកភ្លៀងថា លោកបានគាំទ្រម្តងទៀតនូវសិទ្ធិរបស់អត្តពលិកក្នុងការតស៊ូមតិសម្រាប់ សង្គម យុត្តិធម៌ និងពូជសាសន៍នៅអូឡាំពិកទីក្រុងតូក្យូត្រូវបានពន្យារពេលនៅឆ្នាំក្រោយយោងតាមការចេញផ្សាយពីគេហទំព័រជប៉ុនធូដេ។
លោក Coe បាននិយាយថា ការផ្តល់ការជំរុញដល់ការតវ៉ារបស់ក្រុម Black Lives Matter និងចលនាសង្គម ពូជសាសន៍ និងយុត្តិធម៌ផ្សេងទៀតដែលបានប្តេជ្ញាចិត្តក្នុងការប្រើតូក្យូជាដំណាក់កាលមួយ ខ្ញុំច្បាស់ណាស់ថា ប្រសិនបើអត្តពលិកជ្រើសរើសលុតជង្គង់នៅលើវេទិកានោះខ្ញុំគាំទ្ររឿងនោះ ។
លោក Coe បាននិយាយប្រឆាំងនឹងច្បាប់ធម្មនុញ្ញអូឡាំពិកដោយអនុលោមតាមវិធាន ៥០ ដែលចែងថា “ គ្មានការធ្វើបាតុកម្ម ឬការឃោសនានយោបាយសាសនា ឬពូជសាសន៍ណាមួយត្រូវបានអនុញ្ញាតនៅក្នុងទីតាំងអូឡាំពិចកន្លែង ឬតំបន់ផ្សេងទៀតឡើយ” ។
លោកគឺជាសមាជិកគណៈកម្មាធិការអូឡាំពិកអន្តរជាតិដែលជាកីឡាករឈ្នះមេដាយមាសអូឡាំពិក២គ្រឿង និងជាប្រធាននៃស្ថាប័នគ្រប់គ្រងពិភពលោក “World governing body” និងត្រូវបានគេស្គាល់ថាជាអត្តពលកម្មពិភពលោក។ លោកក៏បានដឹកនាំការប្រកួតកីឡាអូឡាំពិកទីក្រុងឡុងឆ្នាំ ២០១២៕ ដោយ៖លី ភីលីព
