បរទេស ៖ សមាគមន៍បាល់ទាត់ អាហ្សង់ទីនឬAFA បានធ្វើការប្រកាសថា ខ្សែប្រយុទ្ធរបស់ក្រុមសេះបង្កង់ Juventus គឺកីឡាករ Paulo Dybala នឹងអវត្តមានវគ្គជម្រុះ World Cup ជូនជម្រើសជាតិអាហ្សង់ទីន ពេលប្រកួតប៉ះនឹងនឹងក្រុមបូឡាវី បន្ទាប់ពីមិនទាន់បានជាសះស្បើយ ពីបញ្ហាក្រពះនៅឡើយ ។
Dybala គឺបានខកខាន ម្តងហើយ នៅក្នុងការប្រកួត ទទួលជ័យជម្នះ ១-០ របស់ក្រុមលើអេក្វាឌ័រ កាលពីថ្ងៃព្រហស្បតិ៍ ប៉ុន្តែត្រូវបានគេរំពឹងថា នឹងមានពេលវេលាសមស្រប សម្រាប់ការប្រកួតនៅឯកីឡដ្ឋាន Hernando Siles ក្នុងទីក្រុង La Paz នៅថ្ងៃអង្គារ។
ប៉ុន្តែនៅក្នុងសេចក្តីថ្លែង ការណ៍ AFA បាននិយាយថាកីឡាករវ័យ ២៦ ឆ្នាំរូបនេះមិនបានធ្វើដំណើរ ជាមួយក្រុម Albiceleste ទៅកាន់ប្រទេសបូឡាវីទេ ហើយនឹងបន្តទទួលការព្យាបាល នៅឯទីក្រុង Buenos Aires ប្រទេសអាហ្សង់ទីនដដែល ៕
ប្រែសម្រួល៖ស៊ុនលី
