តូក្យូ៖ គណៈកម្មាធិការអូឡាំពិកអន្តរជាតិ (IOC) បានព្យាយាម ធានាសហព័ន្ធកីឡាអន្តរជាតិរាប់សិបនាក់ ដោយថា ការពន្យារពេល នៃការប្រកួតកីឡាអូឡាំពិកតូក្យូ នឹងត្រូវបើកជាផ្លូវការ នៅថ្ងៃទី២៣ ខែកក្កដា នេះបើយោងតាមការចេញផ្សាយ ពីគេហទំព័រជប៉ុនធូដេ។
អ្នករៀបចំ IOC និងទីក្រុងតូក្យូ បានរៀបចំការប្រជុំតាមអ៊ីនធើណេត នៅសប្តាហ៍នេះ ជាមួយគណៈកម្មាធិការជាតិអូឡាំពិក ប្រហែល ២០០ នាក់ ហើយជាមួយ នឹងអង្គភាពកីឡារដូវក្តៅជាង ៣០ ត្រូវបានតំណាងនៅក្នុងកម្មវិធី។ លោក Kit McConnell ប្រធានផ្នែកកីឡារបស់ IOC បានប្រាប់ប្រតិភូ នៅក្នុងសិក្ខាសាលាតាមអ៊ីនធើណេថា យើងមានជំនឿចិត្តយ៉ាងមុតមាំថា ការប្រកួតនៅទីក្រុងតូក្យូឆ្នាំក្រោយ នឹងប្រព្រឹត្តទៅ។
វគ្គទាំងនេះ មិនត្រូវបានបើក សម្រាប់ប្រព័ន្ធផ្សព្វផ្សាយទេ ហើយមានតែសេចក្តីថ្លែងបើកប៉ុណ្ណោះ ដែលអាចរកបាន។ IOC និងអ្នករៀបចំក្នុងស្រុក បានធ្វើយុទ្ធនាការ អស់រយៈពេលជាច្រើនខែ ដើម្បីផ្តល់ចំណាប់អារម្មណ៍ឡើងវិញ ដល់សាធារណជនជប៉ុន និងធានាដល់អ្នកឧបត្ថម្ភ បានវិនិយោគរាប់ពាន់លានដុល្លារ ដែលព្រឹត្តិការណ៍អូឡាំពិក អាចកើតឡើង ក្នុងអំឡុងពេលមានជំងឺរាតត្បាត។
ពួកគេមិនត្រូវបានគេរំពឹងថា នឹងបង្ហាញផែនការច្បាស់លាស់ទេ រហូតដល់ចុងឆ្នាំនេះ ឬដើមឆ្នាំ ២០២១។ នៅតែមិនទាន់ឡើងអាកាសគឺថា តើអត្តពលិកអូឡាំពិក និងប៉ារ៉ាឡាំពិកចំនួន ១៥.០០០ នាក់អាចចូលប្រទេសជប៉ុន ដោយសុវត្ថិភាព រួមជាមួយបុគ្គលិកមន្ត្រីបច្ចេកទេស អ្នកឧបត្ថម្ភប្រព័ន្ធផ្សព្វផ្សាយ និងមនុស្សរាប់ពាន់នាក់៕ ដោយ៖ លី ភីលីព
