ខ្សែប្រយុទ្ធ Jamier Vardy បានផ្លាស់ប្ដូរ ចូលទាត់បញ្ចូលទីមួយគ្រាប់ ជួយ Leicester City ឈ្នះក្រៅដីលើ Arsenal កាលពីយប់មិញពាន Premier League។
Vardy វ័យ៣៣ឆ្នាំបានខកខានលេង២ប្រកួតឲ្យ Leicester ដោយសារតែរបួសកំភួនជើង ប៉ុន្តែពេលនេះគេបានត្រឡប់មកកាន់ទីលាន ដើម្បីជួយក្រុមវិញហើយ។ គ្រាប់បាល់របស់អតីតជម្រើសជាតិអង់គ្លេសកើតឡើង ដោយការតែតបញ្ចូលទី ក្រោយមានការបញ្ជូនពីមិត្តរួមក្រុម Cengiz Under។
នេះគឺជាគ្រាប់បាល់ទី១១របស់ Vardy សម្រាប់ការលេងទល់នឹង Arsenal ១២ប្រកួតក្នុង Premier League។ ហើយវាក៏ជាជ័យជម្នះលើកដំបូងរបស់ Leicester ក្នុងផ្ទះរបស់ Arsenal ចាប់តាំងពីឆ្នាំ១៩៧៣ផងដែរ។ បរាជ័យនេះក្រុមកាំភ្លើងធំ ធ្លាក់ដល់លេខ១០ ឯ Leicester នៅលេខ៤៕ ប្រភព៖ sabay
