កីឡា

ប្រធានសហព័ន្ធជាតិ គ្រូបង្វឹកទំាងអស់ ត្រូវតែរឹងប៉ឹងសម្រាប់ឆ្នាំ២០២១ តាមអនុសាសន៍ណែនាំ របស់លោកបណ្ឌិត ថោង ខុន

ភ្នំពេញ៖ លោក វ៉ាត់ ចំរើន រដ្ឋលេខាធិការក្រសួងទេសចរណ៍ អគ្គលេខាធិការ គណៈកម្មាធិការជាតិអូឡាំពិកកម្ពុជា និងជាអគ្គលេខាធិការ គណៈកម្មាធិការជាតិរៀបចំSEA GAMES ឆ្នាំ២០២៣ ថ្ងៃទី២១មករានេះ បានជម្រាបមកគ្រប់សហព័ន្ធជាតិទំាងអស់ ត្រូវត្រៀមចូលរូមប្រកួតកីឡាSEA GAM ES លើកទី៣១ឆ្នាំ២០២១ នៅទីក្រុងហាណូយ ប្រទេសវៀតណាមថា ត្រូវអនុវត្តន៍តាមអនុសាសន៍ណែនាំ របស់លោកបណ្ឌិត ថោង ខុន រដ្ឋមន្រ្តីក្រសួងទេសចរណ៍ ប្រធានគណៈកម្មាធិការជាតិអូឡាំពិកកម្ពុជា និងជាអនុប្រធានអចិន្រ្តៃយ៍ គណៈកម្មាធិការជាតិ រៀបចំស៊ីហ្គេមឆ្នាំ២០២៣ ។

តាមស្មារតីសន្និបាត បូកសរុបការងារឆ្នាំ២០២០ របស់គណៈកម្មាធិការជាតិរៀបចំSEA GAM ESឆ្នាំ២០២៣(Camsoc) ទិសដៅឆ្នាំ២០២១ និងការដាក់ចេញគោលការណ៍សំខាន់ៗ របស់សម្ដេចពិជ័យសេនា ទៀ បាញ់ ប្រធាន Camsoc សូមឲ្យសហព័ន្ធជាតិ ចាប់ផ្ដើមអនុវត្តន៍ នូវសកម្មភាពដូចខាងក្រោម ។

សូមបើកសន្និបាត ឬ កិច្ចប្រជុំរួមរបស់សហព័ន្ធ ដើម្បីពិនិត្យផែនការសកម្មភាព ក្នុងតំណាក់កាលរៀបចំ Games Operation Time 2021 ឲ្យបានមុតស្រួចស៊ីជម្រៅ ក្នុងការអភិវឌ្ឍន៍សមត្ថភាព គុណផលកីឡាកម្រិតខ្ពស់ ប្រចាំជំនាញកីឡារបស់ខ្លួននីមួយៗ និងពិនិត្យជម្រុញ រៀបចំក្រុមកីឡាករ TEAM Sea Games ឲ្យមានប្រសិទ្ធិភាព មានទេពកោសល្យគ្រប់គ្រាន់ មានគ្រូបង្វឹកមានគុណវឌ្ឍន៍ខ្ពស់(Q ualified Coach) ដើម្បីដាក់ការហាត់ហ្វឹកហ្វឺនកម្រិតបន្ទុក និងអាងតង់ស៊ីតេខ្ពស់ក្នុងឆ្នាំ២០២១ ។

ក្នុងនោះថ្នាក់ដឹកនាំសហព័ន្ធ និងគ្រូបង្វឹកជំនាញ ត្រូវពង្រឹងការដឹកនាំផែនការខាងលើ ដោយប្រើយន្ដការត្រួតពិនិត្យ តាមដានវាយតម្លៃជាប្រចាំ និងរាយការណ៍ជូន Camsoc រៀងរាល់មួយខែម្ដងជាទៀតទាត់ ៕ ដោយ៖លី ភីលីព

Most Popular

To Top