ខ្សែប្រយុទ្ធបារាំង Antoine Griezmann ក្នុងថ្ងៃទី៨ ខែមេសា ឆ្នាំ២០២១ ក្លាយជាបុរសកូន ៣ហើយ ក្រោយកូនពៅប្រុស ទើបតែកើតនៅក្នុងថ្ងៃនេះ។
យ៉ាងណាមិញ វាពិតជាគាប់ជួនមែន សម្រាប់កីឡាករ Barcelona រូបនេះ ខណៈកូនៗរបស់គេទាំង ៣ កើតក្នុងថ្ងៃតែមួយទាំងអស់ ដោយកូនស្រីបងកើតនៅថ្ងៃទី៨ ខែមេសា ឆ្នាំ២០១៦ កូនប្រុស កណ្ដាលកើតថ្ងៃ ខែដូចគ្នា តែឆ្នាំ២០១៩ ហើយកូនពៅកើតក្នុងថ្ងៃនេះតែម្ដង។
គួរបញ្ជាក់ផងដែរថា ជើងឯកពានបាល់ទាត់ពិភពលោក ឆ្នាំ២០១៨រូបនេះ រៀបការជាមួយមិត្តស្រី ជនជាតិអេស្ប៉ាញ របស់ខ្លួនឈ្មោះ Erika Choperena កាលពីឆ្នាំ២០១៧ ៕
