តូក្យូ៖ ទីប្រឹក្សាជាន់ខ្ពស់របស់រដ្ឋាភិបាល ជប៉ុននិយាយពីការរាតត្បាត និងការអស់សំណើចនឹងការអំពាវនាវឲ្យលុបចោលការប្រកួតកីឡាអូឡាំពិកកំពុង ធ្វើឲ្យប៉ះពាល់ដល់សាធារណជន២ឬ៣ថ្ងៃបន្ទាប់ពី ប្រទេសជប៉ុនបានប្រកាសអាសន្ននៅក្នុងទីក្រុងតូក្យូ និងតំបន់ចំនួនបីផ្សេងទៀតរហូតដល់ចុងខែឧស ភាយោងតាមការចេញផ្សាយពីគេហទំព័រជប៉ុនធូដេ។
ជប៉ុនបានព្យាយាមអះអាងជាសាធារណៈថា ព្រឹត្តិការណ៍កីឡាអូឡាំពិកទីក្រុងតូក្យូឆ្នាំ ២០២០ ត្រូវបានរៀបចំឡើងវិញសម្រាប់ថ្ងៃទី ២៣ ខែកក្កដាដល់ថ្ងៃទី ៨ ខែសីហាឆ្នាំនេះអាចត្រូវបានធ្វើឡើងចំពេលមានការរីករាលដាលនៃជំងឺឆ្លង។ ប្រទេសជប៉ុនមានអ្នកស្លាប់ត្រឹមតែជាង ១០,០០០ នាក់ តិចជាងប្រទេសដទៃទៀត ប៉ុន្តែបានយឺតយ៉ាវក្នុងការចាប់ផ្តើមកម្មវិធីចាក់វ៉ាក់សាំងរបស់ខ្លួន ហើយមានករណីកើនឡើងនៅក្នុងប៉ុន្មានសប្តាហ៍ថ្មីៗនេះ។
យោងតាមប្រព័ន្ធផ្សព្វផ្សាយក្នុងស្រុកបានឲ្យដឹងថា លោក Takahashi អតីតមន្ត្រីការិយាល័យក្រសួងហិរញ្ញវត្ថុត្រូវបានគេដឹងថា មានភាពស្និទ្ធស្នាលជាមួយលោក Yoshihide Suga នាយករដ្ឋមន្រ្តីបានជួបជាមួយលោកកាលពីពេលមួយសប្តាហ៍មុន។ នៅពេលត្រូវបានគេសួរអំពីការអត្ថាធិប្បាយរបស់ Takahashi ក្នុងពេលបើកសវនាការសភាកាលពីថ្ងៃច័ន្ទ លោក Suga បាននិយាយថាលោកនឹងមិនធ្វើអត្ថាធិប្បាយលើអ្វីដែល Takahashi បាននិយាយនៅក្នុងសមត្ថភាពផ្ទាល់ខ្លួនរបស់លោកនោះទេ។
