សម្រាប់ការប្រកួតជម្រុះ World Cup នៅអាមេរិកខាងត្បូងនាព្រឹកនេះ ក្រុមអាហ្សង់ទីន លេងបានត្រឹមស្មើជាមួយ ក្រុមកូឡុំប៊ី ក្នុងលទ្ធផល ២-២ ប៉ុណ្ណោះ។
អាហ្សង់ទីន ដែលកំពុងពេញជើងស្រាប់នោះ រកបាន២គ្រាប់មុនដោយ Romero នៅនាទីទី៣ និង Paredes នៅនាទីទី៨ដើមតង់ទី១តែម្ដង។ តែក្រោយពីរកបាន ២គ្រាប់នេះហើយ ពួកគេមិនអាចធ្វើអ្វីក្រុមកូឡុំប៊ី បានទេ ដោយផ្ទុយទៅវិញ ត្រូវក្រុមម្ចាស់ផ្ទះរកគ្រាប់បាល់តាមពីក្រោយរហូត បានស្មើថែមទៀត។ ដោយគ្រាប់ទី១នៅនាទី៥១ ដោយប៉េណាល់ទី និងគ្រាប់ទី២នៅនាទី៩០+៤ ទៅហើយ។
នេះជាការប្រកួតស្មើ២ប្រកួតជាប់គ្នា ហើយសម្រាប់អាហ្សង់ទីន ដោយប្រកួតទី១នោះ បានត្រឹមស្មើជាមួយក្រុមឈីលីក្នុងលទ្ធផល ១-១។ បច្ចុប្បន្ននេះ អាហ្សង់ទីនឈរនៅលេខ២ ក្នុងតារាង ឆ្លងកាត់៦ប្រកួត មាន១២ពិន្ទុ៕ ប្រភព៖ សប្បាយ
