ក្រុមអង់គ្លេស នឹងបើកឱ្យអ្នកគាំទ្រ ចូលទស្សនាការប្រកួត ទល់ក្រុមអាល្លឺម៉ង់ ស្ទើរតែពេញកីឡដ្ឋាន Wembley តែម្ដង នៅចុងសប្ដាហ៍ខាងមុខនេះ បន្ទាប់ពីប្រទេសនេះបន្ធូរបន្ថយ ច្បាប់រឹតត្បិតកូវីដ១៩។
ការប្រកួតនេះ នឹងបើកឱ្យអ្នកគាំទ្រ ចូលទស្សនា ៤៥ ០០០នាក់ នៃចំនួនសរុប៩ម៉ឺននាក់ ។ ដោយចំនួន ៤៥ ០០០នាក់នេះ ក្រុមអង់គ្លេស និងអាល្លឺម៉ង់ អាចនឹងមានជម្រើសបានសំបុត្រឱ្យអ្នកគាំទ្ររបស់ខ្លួនប្រមាណ១ម៉ឺនសំបុត្រ ។ តែដោយសារបញ្ហាធ្វើដំណើរ រវាងអាល្លឺម៉ង់ និងអង់គ្លេស នោះខាងអាល្លឺម៉ង់ទំនងជាឱ្យអ្នកគាំទ្រតែ២ ពាន់នាក់ប៉ុណ្ណោះ អាចចូលមើលបាន ដែលភាគច្រើនពួកគេ នៅអង់គ្លេសស្រាប់។
ដូច្នេះការប្រកួតខាងមុខនេះ ក្រុមអង់គ្លេស នឹងមានប្រៀបច្រើន ជាក់ជាមិនខាន ព្រោះនៅទឹកដីពួកគេស្រាប់ ច្បាស់ណាស់ អ្នកគាំទ្រ ដែលចូលទស្សនានោះសុទ្ធតែគាំទ្រអង់គ្លេសទៅហើយ ៕
