អតីតវិរៈបុរសឆ្នើមម្នាក់ របស់ក្លឹប Borussia Dortmund ដែលជាអ្នកគាំទ្រដ៏ខ្លាំងម្នាក់ ជាមួយនឹងកីឡាករខ្សែប្រយុទ្ធ Erling Haaland ប៉ុន្តែទោះបីជាយ៉ាង ណាក្តីរូបលោក បានគូសបញ្ជាក់ថា កីឡាករន័រវេសរូបនេះ នៅត្រូវការពេលវេលាជាច្រើនទៀត ដើម្បីអភិវឌ្ឍនិង កសាងសមត្ថភាព។
លោក Jurgen Kohler ជាអតីតកីឡាករឆ្នើម និងនិមិត្តរូបម្នាក់របស់ Dortmund ផងដែរដោយលោក បាននិយាយថា Erling Haaland នៅមិនទាន់ជាកីឡាករ កម្រិតពិភពលោក នៅឡើយទេបើប្រៀបធៀប ទៅនឹងខ្សែប្រយុទ្ធឆ្នើម Mbappe ដែលកំពុងលេងឲ្យ PSG។
កន្លងមកកីឡាករវ័យក្មេងឆ្នើមទាំងពីរនាក់ នេះត្រូវបានគេប្រដូចនិងអាចដើរ តាមទៅនឹងកីឡាករឆ្នើមពីររូបជិត២ ទសវត្សមកនេះគឺ Lione Messi និង Cristiano Ronaldo ប៉ុន្តែលោក Kohler បានបញ្ជាក់ថា Haaland នៅតែមានកម្រិត មិនទាន់ដល់ Mbappe នៅឡើយនោះទេ៕
ប្រែសម្រួល៖ស៊ុនលី
