ព្រះអង្គម្ចាស់ Mohammad bin Salman បានចំណាយប្រាក់ ប្រមាណ៣០៥លានផោន ដើម្បីទិញយកក្លឹបបាល់ទាត់ Newcastle United បានជាផ្លូវការហើយ ។
ការប្រកាសជាផ្លូវការ នៃការទិញបាននេះ បានធ្វើឱ្យអ្នកគាំទ្រ Newcastle United សប្បាយចិត្តជាខ្លាំង ក៏ព្រោះតែពួកគេដឹងច្បាស់ថា ក្រោមការគ្រប់គ្រងរបស់ព្រះអង្គម្ចាស់ Salman ក្លឹបមួយនេះនឹងរីកចំរើន ឬអាចនិយាយថា ក្លាយជាក្លឹបធំមួយ នៅថ្ងៃអនាគតមិនខាន ។ តើមានអ្វីដែលជាសំអាងនោះ? គ្រប់យ៉ាងរបស់ព្រះអង្គម្ចាស់ Salman សុទ្ធតែលេខ១ ជានិច្ចតាំងពីដើមមកហើយ ក៏ព្រោះតែទ្រព្យជាង ៣០០ពាន់លានអឺរ៉ូរបស់ព្រះអង្គ។
គ្រួសាររាជវង្សអង្គនេះ ចាយប្រាក់មិនស្ដាយនោះទេ ។ ព្រះអង្គបានទិញផ្ទះមួយតម្លៃ២៣០លានផោន កាលពីឆ្នាំ២០១៥កន្លងទៅ នៅប្រទេសបារាំង ។ ដោយគ្រាន់តែបាន ទៅឃើញម្ដងប៉ុណ្ណោះ ក៏សម្រេចចិត្តជះលុយជាង ២០០ លានផោន ទិញតែម្ដង ។ វាបានក្លាយជាផ្ទះថ្លៃបំផុតនៅលើលោកនេះ ។ ព្រះអង្គ Salman ក៏ជាម្ចាស់នាវាកម្សាន្ត Serene តម្លៃ៣៨០លានផោនផងដែរ ។ មួយវិញទៀត ព្រះអង្គក៏បានចំណាយប្រាក់៣៤០លានផោនទៀត កាលពីឆ្នាំ២០១៧ ដើម្បីទិញយកគំនូរ១ផ្ទាំងរបស់ Leonardo da Vinci ។
ផ្ទះមួយតម្លៃ២៣០លានផោន
ក្រៅពីចំណាយប្រាក់ រាប់រយលានផោននេះហើយ ព្រះអង្គម្ចាស់ Salman ក៏ដើរតួរយ៉ាងសំខាន់ ក្នុងវិស័យនយោបាយផងដែរ ។ ព្រះអង្គត្រូវបានគេស្គាល់ថា ជាមិត្តរបស់អតីតប្រធានាធិបតីអាមេរិក Trump និងលោក ពូទីន មេដឹកនាំរុស្ស៊ីផងដែរ ។ ត្រឹមព្រះជន្ម៣៦ឆ្នាំនេះ ព្រះអង្គ Salman ត្រូវបានមេដឹកនាំពិភពលោកទាំងអស់ ស្វាគមន៍ និងរាប់អានជាខ្លាំងទៅហើយ ៕
