Kleberson អតីតជម្រើសជាតិប្រេស៊ីល បានណែនាំឲ្យ Manchester United ផ្ទេរយកខ្សែប្រយុទ្ធរបស់ Liverpool កីឡាករ Roberto Firmino ក្នុងរដូវក្ដៅនេះ ដើម្បីបំពេញកម្លាំងនៅតំបន់ប្រយុទ្ធ។
United អាចនឹងបាត់បង់ Edison Cavani ខណៈសញ្ញាសួរ នៅតែស្ថិតលើអនាគតរបស់ Cristiano Ronaldo និង Anthony Martial។ Firmino ដែលកុងត្រានៅ Anfield នៅស្រល់ប្រមាណជាង ១២ខែទៀត ហាក់មិនសូវបានលេងឡើយ ក្រោមការដឹកនាំរបស់លោក Jurgen Klopp នៅរដូវកាលនេះ។
ហើយអតីតខ្សែបម្រើ Man Utd កីឡាករ Kleberson ជឿជាក់ថា Firmino មានលទ្ធភាពគ្រប់គ្រាន់ អាចជោគជ័យនៅ Old Trafford។ “ស្ទីលលេងរបស់ Roberto Firmino ស៊ីក្នុងក្រុម Manchester United។ ជាពិសេសរបៀបលេងរបស់គេ នៅ Liverpool។ ប្រសិនបើ United ចង់ធ្វើការផ្លាស់ប្ដូរ គេគឺជាកីឡាករល្អដែលអាចជួយបាន។ ជាពិសេសចាប់ដៃគូជាមួយ Marcus Rashford និង Jadon Sancho នៅស្លាប់ប្រយុទ្ធ”។ សម្ដី Kleberson។
Kleberson បានចូលរួមជាមួយ Manchester United កាលពីឆ្នាំ២០០៣ ផ្ទេរពីក្លឹបនៅប្រេស៊ីល Atletico Paranaense។ លេងក្នុងលីគបាន២០ប្រកួត និងរកបាន២គ្រាប់ ក្នុងរយៈពេល២រដូវកាលនៅ Old Trafford៕ Source: Sabay
