អ្នកចាត់ការ Thomas Tuchel បាននិយាយថា Chelsea អស់ឱកាសត្រឹមវគ្គ៨ក្រុមចុងក្រោយនេះហើយ ក្រោយប្រកួតចាញ់ Real Madrid ដល់ទៅ៣-១ ក្នុងពានរង្វាន់ Champions League កាលពីយប់មិញ។
ខ្សែប្រយុទ្ធសញ្ជាតិបារាំង Karim Benzema ធ្វើបាន Hat-Trick ជួយឲ្យ Real ចំណេញច្រើនសម្រាប់ការត្រលប់ទៅលេងនៅទឹកដីអេស្ប៉ាញវិញសម្រាប់ជើងទៅពីរ។ សាកសួរតើ Chelsea នៅមានសង្ឃឹមទេ? Tuchel ដែលដឹកនាំតោខៀវឈ្នះ Champions League កាលពីរដូវកាលមុនបានឆ្លើយតបថា នៅពេលនេះគឺគ្មានសង្ឃឹមទៀតទេ។
“ពួកយើងបានស្វែង រកកម្រិតលេង របស់ពួកយើងត្រលប់មកវិញ ចាប់តាំងពីសម្រាក ។ ខ្ញុំពិតជាបារម្ភបន្ថែមទៀតសម្រាប់ការលេងជាមួយ Southampton ក្នុងសប្ដាហ៍នេះណាស់។ ពិតជាមិនអាចរំពឹងអំពីលទ្ធផល ចេញពីការប្រកួតបែបនេះទេ ។ ពួកយើងត្រូវការ៣គ្រាប់ដើម្បីឈ្នះ តើរឿងនេះកើតឡើងដូចម្ដេចទៅ?” សម្ដី Tuchel។
ការប្រកួតជើងទីពីរវគ្គ៨ក្រុមចុងក្រោយ Champions League រវាង Chelsea និង Real Madrid ត្រូវលេងនៅថ្ងៃទី ១៣ ខែ មេសា ឆ្នាំ ២០២២៕
