The Gianluca Marzo ចេញផ្សាយនៅថ្ងៃនេះបានឲ្យដឹងថា ក្លឹបយក្សអ៊ីតាលី Juventus កំពុងធ្វើការពិចារណា ដើម្បីអាចធ្វើការផ្ទេរយកកីឡាករ ខ្សែការពារម្នាក់របស់ក្លឹបកាំភ្លើងធំ Arsenal កីឡាករ Gabrielពីអង់គ្លេស។
ក្លឹបអ៊ីតាលីមួយនេះ កំពុងមានផែនការថ្មី ក្នុងការពង្រីងតំបន់ការពារ របស់ខ្លួនត្រៀមការប្រកួតប្រជែង នារដូវកាលក្រោយ ដោយក្នុងនោះកីឡាករខ្សែ ការពារវ័យចំណាស់ដូចជា Giorgio Chiellini ជាដើមសុទ្ធ តែ ត្រៀមខ្លួនចាកចេញពី ក្លឹបទៅហើយផងដែរ ហើយពេលនេះកំពុងងាក ទៅចាប់អារម្មណ៍កីឡាករ ខ្សែការពារវ័យ ទើបតែ២៤ឆ្នាំរូប នេះមកជំនួសតំណែង។
ប្រភពដដែលបានឲ្យដឹងទៀតដែរថា Juventus នឹងធ្វើការប្រើប្រាស់ កីឡាករខ្សែបម្រើការពារម្នាក់ Arthur ជាផ្នែក នៃការដោះដូរលើកនេះ ពីព្រោះថាកាលពីខែមករា កន្លងមក កាំភ្លើងធំ Arsenal ក៏ធ្លាប់ បានបញ្ជាក់អំពីការចាប់អារម្មណ៍ ជាមួយនឹងកីឡាករ ប្រេស៊ីលរូបនេះដែរ៕
ប្រែសម្រួល៖ស៊ុនលី
