The Calciomercato ចេញផ្សាយនៅថ្ងៃនេះបានឲ្យដឹងថា កីឡាករខ្សែការពារ Kalidou Koulibaly កំពុងស្ថិតនៅក្នុងបញ្ជីគោលដៅ របស់ក្លឹបតោខៀវ Chelsea ដើម្បីបង្កើនកម្លាំងការពារ របស់ក្រុមនារដូវកាលក្រោយ។
ប្រភពដដែលបានឲ្យដឹងទៀតថា កីឡាករខ្សែការពាររបស់ក្លឹប Napoli មួយនេះត្រូវបានគេមើលឃើញថាជាកីឡាករសក្តានុពល សម្រាប់ជំនួសតំណែង របស់កីឡាករ Antonio Rudiger ហើយក្នុងពេលជាមួយគ្នាកីឡាករ Andreas Christensen ក៏នឹងត្រូវចាកចេញពីក្លឹបនៅរដូវក្តៅនេះផងដែរ។
ទោះបីជាយ៉ាងណាក្តីកីឡាករ ខ្សែការពារឆ្នើមរបស់ក្លឹប Napoli រូបនេះនឹងមិនចាកចេញក្នុងតម្លៃខ្លួនធូរថ្លៃនោះឡើយ ដែលមានន័យថា ក្លឹបនឹងអាចស្វែងរកកីឡាករជំនួសផ្សេងទៀតនៅរដូវក្តៅនេះ៕ ប្រែសម្រួល៖ស៊ុនលី
