Heung-Min Son របស់ Spurs បានក្លាយជាម្ចាស់ស្បែកជើងមាស នៅក្របខណ្ឌ Premier League ជាមួយ Mo Salah របស់ Liverpool ក្រោយពួកគេរកបាន២៣គ្រាប់ដូចគ្នា ។
រដូវកាល២០២១-២២ Son កីឡាករសញ្ជាតិកូរ៉េខាងត្បូង បានបង្ហាញសមត្ថភាពយ៉ាងល្អ ជួយ Spurs ទទួលបានលេខ៤ ក្នុងលីគ មានកៅអីទៅលេងនៅ Champions League រដូវកាលក្រោយ ។ ក្រោយពីទទួលបានស្បែកជើងមាស ក្លឹប Spurs បានបញ្ចេញវីដេអូនៃការទាត់ចូលទាំង ២៣គ្រាប់របស់ Son លើបណ្ដាញសង្គមរបស់ខ្លួន ។
គ្រាប់បាល់ដំបូងក្នុងរដូវកាល២០២១-២២របស់ Son ធ្វើបានពេលប៉ះជាមួយក្រុមម្ចាស់ជើងឯក Manchester City កាលពីថ្ងៃទី ១៥ ខែ សីហា ឆ្នាំ ២០២១។ សម្រាប់គ្រាប់បាល់ទី២៣ របស់គេរកបានពេលជួប Norwich ក្នុងការប្រកួតបញ្ចប់រដូវកាល ៕
