The Goal ចេញផ្សាយនៅថ្ងៃនេះបានឲ្យដឹងថាប្រធានក្លឹប Sassuolo ដែលកំពុងលេងនៅលីគកំពូលអ៊ីតាលីលោក Giovavni Carnevali បានអះអាង ហើយថាក្លឹបរបស់លោកកំពុងចាប់ផ្តើមពិភាក្សាជាមួយនឹងក្លឹបកាំភ្លើងធំ Arsenal ពិតមែនជុំវិញបញ្ហាដោះដូរកីឡាករ Gianluca Scamacca។
កីឡាករ Scamacca វ័យ២៣ឆ្នាំកំពុងទទួលបានការទាក់ចិត្តយ៉ាងខ្លាំងពីសំណាក់ក្លឹបធំៗនៅអឺរ៉ុបដូចជាកាំភ្លើងធំ Arsenal និងក្លឹបយក្សរបស់អ៊ីតាលីដូចជា Inter Milan និង AC Milan ។
ប៉ុន្តែទោះបីជាយ៉ាងណាក្តី Carnevali បានបញ្ជាក់ដែរថាភាគីទាំងពីរនៅមិនទាន់មានការសម្រេចចិត្តណាមួយនៅឡើយខណៈដែលកីឡាករវិញកំពុងត្រូវបានក្រុមជម្រើសជាតិអ៊ីតាលី ធ្វើការកោះហៅដើម្បីឲ្យចូលកលេងក្នុងក្រុមជាលើកដំបូងផងដែរ៕
ប្រែសម្រួល៖ស៊ុនលី
