អ្នកចាត់របស់ Barcelona លោក Xavi មានគ្រោងចង់បញ្ចេញកីឡាករ ចំនួន៧នាក់ទៀត បន្ថែមទៀតអំឡុងទីផ្សារដោះដូរ កីឡាករក្នុងរដូវក្ដៅនេះ។
Xavi កំពុងអន្ទះសាចង់ពង្រឹងក្រុម សម្រាប់យុទ្ធនាការរដូវ កាល២០២២-២៣ ដើម្បីប្រជែងជាមួយ Real Madrid សម្រាប់ពាន La Liga ក៏ដូចជា Champions League។ Xavi ទទួលស្គាល់ការលក់កីឡាករមួយ ចំនួនចេញគឺជារឿងសំខាន់ ក្នុងការនាំកីឡាករថ្មីចូល។
ក្នុងរដូវក្ដៅនេះ Xavi បានបញ្ចេញកីឡាករជាច្រើនចេញ និងសម្លឹងការផ្លាស់ប្ដូរក្រុម Barcelona សម្រាប់រដូវកាលខាងមុខ ។ ខ្សែបម្រើ Philippe Coutinho បានផ្លាស់ជាផ្លូវការកាន់ Aston Villa ក្នុងតម្លៃខ្លួន១៧លានផោន ខណៈខ្សែការពារ Clement Lenglet ចូលរួមជាមួយ Spurs ក្រោមលក្ខខណ្ឌខ្ចីជើង។ Barca ក៏បានចែកផ្លូវជាមួយខ្សែការពារស្ដាំ Dani Alves បន្ទាប់ពីគេបានមកដល់ Nou Camp កាលពីខែធ្នូ ។
ផ្អែកតាមសារព័ត៌មាន The Sun លោក Xavi ពេលនេះកំពុងសម្លឹង បញ្ចេញកីឡាករ៧រូបផ្សេងទៀត អំឡុងពេលទីផ្សារដោះដូរកីឡាករក្នុងរដូវក្ដៅនេះ។ ក្នុងចំណោមកីឡាករទាំងនោះ គេជឿជាក់មានឈ្មោះកីឡាករ Neto, Samuel Umtit, Braithwaite និង Memphis Depay៕
