Nicolo Schira នៅថ្ងៃនេះ បាននិយាយថា បច្ចុប្បន្នកីឡាករខ្សែប្រយុទ្ធជើងចាស់ Karim Benzema កំពុងពិភាក្សាជាមួយនឹងក្លឹប Real Madrid ហើយដើម្បីអាចបន្តកុងត្រាថ្មី ដោយក្នុងនោះដំណាក់កាល ចុងក្រោយនៃការពិភាក្សាគ្នា ដែលអាចអនុញ្ញាតិឲ្យ Benzema អាចបន្តកុងត្រាដល់ឆ្នាំ២០២៤។
តារាឆ្នើមបារាំងរូបនេះ ត្រូវបានគេមើលឃើញថា កំពុងមានឈ្មោះជាបេក្ខភាព ដ៏មានសក្តានុពលដែលអាចលើកពានរង្វាន់ កីឡាករល្អបំផុត របស់ពិភពលោកឬ Ballon d’Or បាននៅពេលនេះ និងជាពិសេសនៅពេល ដែលគាត់បានវិលត្រឡប់មកពីរបួសវិញ និងបានហ្វឹកហាត់ ជាមួយនឹងក្រុមកាលពីថ្ងៃពុធម្សិលមិញនេះផង ។
គួរឲ្យដឹងដែរថាបច្ចុប្បន្នReal Madrid កំពុងបន្តឈរនៅកំពូលតារាង ដោយបានយកឈ្នះទាំង៦ ប្រកួតដំបូង ក្នុងលីគមាន១៨ពិន្ទុពេញក្នុងដៃ ខណៈដែលក្រុមទី២តាមពីក្រោយ គឺ Barcelona ដែលមាន១៦ពិន្ទប៉ុណ្ណោះ៕
ប្រែសម្រួល៖ស៊ុនលី
