ក្លឹប Manchester City បានលេង ១-១ ស្មើជាមួយនឹងក្លឹបអាល្លឺម៉ង់ RB Leipzig នៅវគ្គ ១៦ក្រុមនៃព្រឹត្តិការណ៍ UEFA Champions League។ ទាក់ទិននឹងរឿងនេះដែរ លោក Pep Guardiola អ្នកចាត់ការក្លឹប Man City កំប្លែងលេងថា លោកនឹងដាក់ខ្សែប្រយុទ្ធ ៩នាក់ចូលលេងនៅជើងទី២។
លោកបាននិយាយថា៖ «ខ្ញុំវិភាគពីទម្រង់លេងរបស់ក្លឹប Leipzig ជាមួយក្រុមរបស់ខ្ញុំ ហើយយើងមើលឃើញថា ខាងគេគ្រប់គ្រងស្ថានការណ៍បានដោយសារតែគេលេងជួរប្រយុទ្ធ ៦នាក់»។
«[…] ប្រហែលនៅជើងទី២ ខ្ញុំនឹងសម្រេចយកគំនិតប្លែកមួយ ដោយលេងជាមួយខ្សែប្រយុទ្ធ ៩នាក់»។ នេះជាការបន្ថែមរបស់លោក។
ក្លឹបមេឃខៀវ Man City នឹងបើកទ្វាស្វាគមន៍ Leipzig នៅថ្ងៃអង្គារទី១៤ មីនា៕ Source: Sabay
