មកទើបតែបាន ៣ខែ ខ្សែប្រយុទ្ធអាហ្សង់ទីនកីឡាករ Lionel Messi ជាប់ឈ្មោះជាបេក្ខភាពក្នុងពានរង្វាន់ ២នៅប្រចាំលីគកំពូលសហរដ្ឋអាមេរិក។ នេះបើតាមការចុះផ្សាយរបស់សារព័ត៌មាន Goal។
កីឡាកររូបនេះបានចុះកុងត្រាជាមួយក្លឹបរបស់អតីតតារាបាល់ទាត់អង់គ្លេសលោក David Beckham គឺក្លឹប Inter Miami កាលពីខែកក្កដាកន្លងទៅ។
ចាប់តាំងពីខែកក្កដាមក Messi ទើបតែមានឱកាសលេងនៅលីគអាមេរិក MLS បាន ៤ប្រកួតប៉ុណ្ណោះ តែជាប់ឈ្មោះជាបេក្ខភាពនៃពានលីគ MLS ចំនួន ២គឺ ពាន MLS Most Valuable Player (MVP) និងពានកីឡាករថ្មីឆ្នើមជាងគេ (Newcomer of the Year)។
ពានទាំង២នឹងបើកឱ្យបោះឆ្នោតនៅថ្ងៃទី១០ ខែតុលា ហើយបញ្ចប់ទៅវិញនៅថ្ងៃទី២៣ ខែតុលា ឆ្នាំ២០២៣នេះ។ លទ្ធផលនៃពានទាំងនេះនឹងត្រូវបានប្រកាសនៅចុងខែតុលានេះ៕
ប្រភព៖sabay
