The Goal ចេញផ្សាយនៅថ្ងៃនេះ បានឲ្យដឹងថា ក្លឹបយក្សអាល្លឺម៉ង់ Bayern Munich ត្រូវបានគេដឹងថា កំពុងតែធ្វើការពិចារណា ក្នុងការដាក់ជំនួស តំណែងរបស់លោក Thomas Tuchel ដែលកំពុងដឹកនាំក្លឹបធ្លាក់ ទំរង់លេងយ៉ាងខ្លាំង។
ប្រភពដដែលជឿជាក់ថា ក្នុងនោះ មានបញ្ជីគ្រូបង្វឹកល្អជាច្រើនសម្រាប់ តំណែងនេះប៉ុន្តែអ្វីដែល គួរឲ្យចាប់អារម្មណ៍ក៏មាន បេក្ខភាពរបស់លោក Ole Gunnar Solskjaer ដែលជាអតីតគ្រូបង្វឹករបស់ Man UTD និងលោក Zinedine Zidane អតីតគ្រូបង្វឹករបស់ក្លឹប Real Madrid ផងដែរ។
គួរឲ្យដឹងដែរថាទំរង់លេងរបស់ក្លឹប Bayern Munich បានធ្លាក់ដល់ចំណុចលំបាកខ្លាំង ដែលនាំឲ្យមានសំពាធ ដល់តំណែង របស់លោក Tuchel ខណៈដែលក្លឹបធ្លាក់ចេញ ពីពានរង្វាន់សំខាន់ៗ ហើយពានក្នុងលីគទៀតសោតមាន៨ពិន្ទុ តាមពីក្រោយ ក្រុមនាំមុខគេក្នុងតារាង Bayer Leverkusen ទៀតផង៕
ប្រែសម្រួល៖ស៊ុនលី
