រដ្ឋកាលីហ្វ័រញ៉ា៖ យន្ដហោះGigantic របស់ក្រុមហ៊ុន Stratolaunch ជាប្រភេទយន្តហោះភ្លោះ មានម៉ាស៊ីនរហូតដល់៦គ្រឿងបង្កើតឡើង ដោយដ៏មហិមាបានបញ្ចប់ការហោះហើរសាកល្បងលើកទី ២ របស់ខ្លួនដោយជោគជ័យចំពោះហោះ លើមេឃនៅលើវាលខ្សាច់ខាងត្បូងរដ្ឋកាលីហ្វ័រញ៉ា នេះបើយោងតាមការចេញផ្សាយពីគេហទំព័រឌៀលីម៉ែល។
យន្ដហោះភ្លោះម៉ាស៊ីន ៦ គ្រឿងដែលមានស្លាបវែងជាងគេបំផុតនៅលើពិភពលោក បានហោះចេញពីកំពង់ផែ Mojave Air និង Space Port រយៈពេល ២ ឆ្នាំ បន្ទាប់ពីការហោះហើរដំបូង របស់ខ្លួនបន្ទាប់ពីការផ្លាស់ប្តូរម្ចាស់កម្មសិទ្ធិ។ ក្រុមហ៊ុនStratolaunch បានសរសេរនៅលើ Tweeted ថា យើងបានចេញហោះហើរនៅម៉ោងប្រហែល ៧ និង ៣០ នាទីព្រឹកម៉ោងក្នុងស្រុក។
យន្តហោះនេះមានកាប៊ីនយន្ដហោះ២ហោះឈានល់កម្ពស់ ១៤,០០០ ហ្វីត និងទម្លាក់កង់ទាំង២៨ យ៉ាងដោយសុវត្ថិភាព ៣ ម៉ោង ១៤ នាទីបន្ទាប់ពីបើកដំណើរការ។ ជាមួយនឹងស្លាបមានប្រវែង ៣៨៣ ហ្វីតមានប្រវែងវែងជាងទីលានបាល់ទាត់ពីគោលដៅមួយទៅគោលដៅជាទូទៅមានចម្ងាយប្រហែល ៣៤៥ ហ្វីត។
Stratolaunch ត្រូវបានបង្កើតឡើងដោយសហស្ថាបនិកក្រុមហ៊ុន Microsoft លោក Paul Allen ដែលបានទទួលមរណភាពតិចជាងមួយឆ្នាំមុនពេលយន្តនេះចាប់ផ្តើមហោះហើរជាលើកដំបូងនៅខែមេសាឆ្នាំ ២០១៩ ។ នៅពេលក្រុមហ៊ុន Stratolaunch ត្រូវបានបង្កើតឡើងក្នុងឆ្នាំ ២០១១ ការចំណាយរបស់គម្រោងត្រូវបានគេប៉ាន់ស្មានថា មានចំនួន ២១៥ លានផោន (៣០០ លានដុល្លារ) ប៉ុន្តែវាមានតម្លៃខ្ពស់ជាងនេះនៅឆ្នាំ ២០១៩ គឺ ៤០០ លានដុល្លារ៕ ដោយ៖លី ភីលីព
