អាមេរិក៖អង្គការណាសានិយាយថា ខ្លួននៅតែមានទំនុកចិត្ត ក្នុងការដឹកនាំនៃការចុះចតស្ត្រីដំបូង និងបុរសបន្ទាប់ នៅលើព្រះច័ន្ទនៅឆ្នាំ ២០២៤ បើទោះបីជាមានបញ្ហាបច្ចេកទេស និងថវិកាជាច្រើន រួមទាំងសកម្មភាពផ្លូវច្បាប់ពីលោក Jeff Bezos និងបញ្ហាទាក់ទងនឹងយានអាវកាសក៏ដោយ នេះបើយោងតាមការចេញផ្សាយពី គេហទំព័រឌៀលីម៉ែល។
អ្នកគ្រប់គ្រងលោក Bill Nelson បានបញ្ជាក់ជាថ្មីនូវការប្តេជ្ញាចិត្ត របស់ទីភ្នាក់ងារចំពោះគោលដៅ ចុះចតភពព្រះច័ន្ទដោយប្រាប់សន្និសីទអវកាសប្រចាំឆ្នាំលើកទី ៣៦ នៅទីក្រុ Colorado Springs រដ្ឋColoradoថា យើងអាចធ្វើអ្វីដែលពិបាកពីព្រោះយើងជាមនុស្សដែលអាចធ្វើបាន។ កម្មវិធីArtemisគឺជាអ្នកស្នងតំណែងពី Apollo បានឃើញលោក Neil Armstrong និងបុរស ១១ នាក់ផ្សេងទៀតដើរជាន់លើផ្ទៃភពព្រះច័ន្ទតែមួយគត់របស់យើង នៅទសវត្សឆ្នាំ ១៩៦០ និង ៧០ ។
ថ្ងៃផុតកំណត់នៃឆ្នាំ ២០២៤ គឺជាមហិច្ឆតាមួយរួចទៅហើយ ប៉ុន្តែត្រូវបាននាំឲ្យមានការសង្ស័យ បន្ថែមទៀតដោយសារបញ្ហាប្រឈមផ្នែកច្បាប់ពីលោក Jeff Bezos ជុំវិញកិច្ចសន្យាចុះចតភពព្រះច័ន្ទបញ្ហាជាមួយយានអាវកាស និងឧបសគ្គថវិកាដែលកំណត់ដោយសភា។
លោក Nelson បានបន្តថា ទីភ្នាក់ងារនេះនឹងជំរុញ ឲ្យមានភាពរឹងមាំ ទៅមុខដោយដកស្រង់សុន្ទរកថាឆ្នាំ ១៩៦២ របស់ប្រធានាធិបតីលោកJohn F Kennedy បានមានប្រសាសន៍ថា យើងជ្រើសរើស ទៅភពព្រះច័ន្ទក្នុងមួយទសវត្សរ៍នេះ ហើយធ្វើអ្វីផ្សេងទៀតមិនមែនដោយសារតែពួកគេងាយស្រួលនោះទេប៉ុន្តែ ដោយសារតែពួកគេពិបាក៕
