កូរ៉េ ៖ បើយោងតាមចេញផ្សាយផ្លូវការ របស់គេហទំព័រ កម្សាន្តកូរ៉េខាងត្បូង Allkpopបានប្រាប់ឲ្យដឹងថា ថ្មីៗនេះ រូបភាពមួយសន្លឹក ជាមួយលោក Lee Byung Hun និងនាង Lee Min Jung ត្រូវបានបង្ហោះនៅលើ Instagram វាហាក់បីដូចជាអ្នកបង្ហោះរូបនេះ បានថតរូបជាមួយគូស្នេហ៍ ខណៈពួកគេកំពុងធ្វើ ដំណើរកម្សាន្តនៅកោះ Jeju ជាមួយគ្នាជាក្រុមគ្រួសារ ។
ចំពោះការថត Selfie នេះលោក Lee Byung Hun និងនាង Lee Min Jung ត្រូវបានគេឃើញរួមគ្នា ដែលជាកម្របានឃើញណាស់ ខណៈគូស្នេហ៍ មួយគូនេះ ចូលចិត្តរក្សារូបភាព របស់ពួកគេជាលក្ខណៈឯកជន ។ ជាមួយគ្នានេះដែរ ពួកគេបានចងសម្ព័ន្ធមេត្រីជាមួយគ្នាកាលពីឆ្នាំ២០១៣ ហើយមានកូនប្រុសម្នាក់ ផងដែរ៕ដោយ៖លី ភីលីព
