កូរ៉េ៖ បើយោងតាមចេញផ្សាយ ផ្លូវការរបស់គេហទំព័រកម្សាន្ត កូរ៉េខាងត្បូង Allkpop បានប្រាប់ឲ្យដឹងថា អតីតសមាជិក Fin.K.L និងជាតារាសម្ដែងអ្នកនាង Sung Yuri សម្រាលបានកូនស្រីភ្លោះ ដែលមានសុខភាពល្អ ទំាងម្តាយ និងកូនទំាង២នាក់ ថែមទៀតផង។
នៅថ្ងៃទី៨ ខែមករា ផលិតកម្ម Initial Entertainment បានចេញសេចក្តីថ្លែងការណ៍ ផ្លូវការមួយ ដោយប្រកាសថា អ្នកនាង Sung Yuri បានផ្តល់កំណើត ដល់កូនស្រីភ្លោះ ដែលមានសុខភាពល្អ។
ខាងក្រោមនេះជាសេចក្តីថ្លែងការណ៍ផ្លូវការរបស់ Initial Entertainment៖
សួស្តី នេះជាភ្នាក់ងារ Initial Entertainment របស់តារាសម្តែង Sung Yuri ហើយកាលពីថ្ងៃទី៧ ខែមករា (ថ្ងៃសុក្រ) អ្នកនាង Sung Yuri បានផ្តល់កំណើតឲ្យកូនស្រីភ្លោះនៅមន្ទីរពេទ្យក្នុងទីក្រុងសេអ៊ូល ចំណែកអ្នកនាង Sung Yuri និងទារកទាំងអស់មានសុខភាពល្អ ហើយពួកគេសម្រាកដោយសុវត្ថិភាពក្រោមការមើលថែរបស់ក្រុមគ្រួសារ បន្ទាប់ពីសម្រាលកូនរួច Sung Yuri បានបង្ហោះសារថា បន្ទាប់ពីការទន្ទឹងរង់ចាំយ៉ាងយូរ ទីបំផុតខ្ញុំអាចកាន់កូនស្រីទាំង២នៅក្នុងឱបរបស់ខ្ញុំបាន។ ខ្ញុំជាទីមួយ ហើយសំខាន់បំផុតគឺសប្បាយចិត្ត និងដឹងគុណ។ មនុស្សជាច្រើនកំពុងបន្តអបអរសាទរខ្ញុំចំពោះដំណឹងនៃការសម្រាលកូនរបស់ខ្ញុំ ហើយខ្ញុំសូមអរគុណដោយស្មោះ។ តាមដែលអ្នកកំពុងផ្ញើពរមកខ្ញុំ ខ្ញុំនឹងចិញ្ចឹមកូនស្រីទាំង២ ឲ្យមានសុខភាពល្អ និងស្រស់ស្អាត ក្នុងនាមជាឪពុកម្តាយ និងជាតារាសម្តែង ខ្ញុំនឹងទទួលខុសត្រូវ និងបង្ហាញអ្នកពីផ្នែកដែលល្អជាងនេះចំពោះខ្ញុំ ដូច្នេះសូមរង់ចាំបន្តិចទៀត។ សូមអរគុណចំពោះការចាប់អារម្មណ៍ ជាខ្លាំងរបស់អ្នកចំពោះ Sung Yuri ដែលបានស្វាគមន៍ជីវិតដ៏មានតម្លៃពីរនៅក្នុងគ្រួសាររបស់នាង ហើយយើងសុំឲ្យមានការគាំទ្រ ដ៏កក់ក្តៅរបស់អ្នក នាពេលអនាគត សូមអរគុណ៕
ដោយ៖លី ភីលីព
