ខេត្តកណ្តាល ៖ ក្រុមបាល់ទាត់ស្នងការ នគរបាលខេត្តកណ្តាល ទទួលបាន៣ពិន្ទុ បន្ទាប់ពីក្រុមនេះ បានយកឈ្នះលើគូ នៃព្រឹត្តិការណ៍ការប្រកួតកីឡា បាល់ទាត់ពានរង្វាន់ លោក គង់ សោភ័ណ្ឌ អភិបាលនៃគណៈអភិបាល ខេត្តកណ្តាល ឆ្នាំ២០២២ ថ្ងៃទី១១ ខែកុម្ភៈ ឆ្នាំ២០២២ នៅទីលានកីឡដ្ឋាន ខេត្តស្ថិតក្នុងក្រុងតាខ្មៅ ។
ចំពោះពូល “B” ក្រុមបាល់ទាត់ស្នងការនគរបាល ខេត្តកណ្តាល បានយកឈ្នះលើក្រុមយុវជនស្រលាញ់សន្តិភាពក្នុងលទ្ធផលបច្ចេកទេស ២ ទល់ ០ សម្រាប់ជុំទី២ ដូច្នេះក្រុមបាល់ទាត់ស្នងការ នគរបាលខេត្តកណ្តាល ឈរ ចំណាត់ថ្នាក់លេខ២ លើតារាងពូល ខណៈក្រុមបាល់ ទាត់យុវជន ស្រុកកៀនស្វាយ ឈរកំពូលតារាង ។
សម្រាប់ក្រុមបាល់ទាត់ស្នងការ នគរបាលខេត្តកណ្តាលលេងបាន២ប្រកួត ដោយប្រកួត១ចាញ់ក្រុមបាល់ទាត់យុវជនស្រុកកៀនស្វាយ ៣ ទល់០ និងឈ្នះក្រុមយុវជនស្រលាញ់សន្តិភាព ២ ទល់ ០ ទទួលបាន៣ពិន្ទុ ចំណែកក្រុមយុវជនស្រលាញ់សន្តិភាព២ប្រកួត ស្មើមួយ និងចាញ់ ទទួលបាន១ពិន្ទុ។
ការប្រកួតនេះគឺចាប់ផ្តើមពី ថ្ងៃទី០២ ខែកុម្ភៈ ឆ្នាំ២០២២ ដល់ថ្ងៃទី១៣ ខែមីនា ឆ្នាំ២០២២ ដោយមាន១៨ក្រុម និងបានបែងចែកចេញ ជា៤ពូលគឺ ពូលA ពូលB ពូលC ពូលD ក្នុង១ពូលមាន៤ក្រុម និង៥ក្រុម ។ ក្រុមចំណាត់ថ្នាក់លេខ១ទទួលបានពានចំនួន០១ទង់ចំណាត់ថ្នាក់លេខ១ ចំនួន មេដាយមាស ចំនួន៣០គ្រឿង ទឹកប្រាក់ចំនួន ១២ លានរៀល។ ក្រុមចំណាត់ថ្នាក់លេខ២ ទទួលបានទង់ចំណាត់ថ្នាក់លេខ២ ចំនួន០១ មេដាយប្រាក់ ចំនួន៣០គ្រឿង ទឹកប្រាក់ចំនួន ៨ លានរៀល។ ក្រុមចំណាត់ថ្នាក់លេខ៣ ទទួលបានទង់ចំណាត់ថ្នាក់លេខ៣ ចំនួន០១ មេដាយសំរិទ្ធ ចំនួន៣០គ្រឿង ទឹកប្រាក់ចំនួន ៦ លានរៀល។ ក្រុមចំណាត់ថ្នាក់លេខ៤ ទទួលបានប្រាក់លើកទឹកចិត្តចំនួន ៣ លានរៀល។
ដោយឡែកក្រុមមានវិន័យល្អ(ក្រុមFair Play) ទទួលបានពានចំនួន០១ ទង់Fair Play ចំនួន០១ និងទឹកប្រាក់ចំនួន ៣ លានរៀល។ កីឡាករទាត់ចូលទីបានច្រើនជាងគេ ទទួលបានទឹកប្រាក់ចំនួន ៥០ ម៉ឺនរៀល។ អ្នកចាំទីល្អជាងគេ ទទួលបានទឹកប្រាក់ចំនួន ៥០ ម៉ឺនរៀល។ ក្រុមអាជ្ញាកណ្តាលល្អ ទទួលបានមេដាយមាសចំនួន០៤ ទឹកប្រាក់ចំនួន ៥០ ម៉ឺនរៀល៕
