The Fichajes នៅថ្ងៃនេះបានចេញផ្សាយថា ក្លឹបយក្សអេស្បាញ Barcelona កំពុងតែធ្វើការទំនាក់ទំនង ជាមួយនឹងក្លឹបអ៊ីតាលីInter Milan ដើម្បីអាចធ្វើការដោះដូរកីឡាករ Stefan de Vrij ។
ប្រភពដដែលបានបន្តដែរថា កីឡាករខ្សែការពាររូបនេះ គឺជាម្ចាស់ពានរង្វាន់លីគកំពូលអ៊ីតាលី កាលពីរដូវកាលមុននៅកីឡាដ្ឋាន San Siro ប៉ុន្តែមកដល់ពេលនេះគាត់មានកុងត្រា ដែលមានសុពលភាពត្រឹមចុង រដូវកាលនេះប៉ុណ្ណោះ ។
ក្នុងពេលជាមួយគ្នានេះ គេបានដឹងដែរថា កីឡាករហូឡង់រូបនេះមិនមានបំណង ក្នុងការបន្តកុងត្រាថ្មីឡើយ ហើយ Inter Milan ក៏កំពុងបើកទ្វារស្វាគមន៍រាល់សំណើរទាំងឡាយ ដែលនឹងផ្តល់ឲ្យ នាពេលខាងមុខនេះ ៕
ប្រែសម្រួល៖ស៊ុនលី
