អាមេរិក ៖ ទីភ្នាក់ងារនេះ បានបញ្ជាក់ថា បេសកកម្ម Artemis I របស់ណាសា ទៅកាន់ភពព្រះច័ន្ទ និងត្រឡប់មកវិញ អាចប្រឈម នឹងការពន្យារពេល បន្ថែមទៀត បន្ទាប់ពីមានកំហុសឆ្គងជាបន្តបន្ទាប់ សម្រាប់បាញ់បង្ហោះ ទៅលើ SLS Megarocket ដ៏ធំបន្ទាប់ពីការចាក់ប្រេង បានបរាជ័យ និងបញ្ចប់ការហោះហើរ សាកល្បងគ្មានមនុស្ស បើកកាលពីខែមិថុនា នេះបើយោងតាមការចេញផ្សាយ ពីគេហទំព័រឌៀលីម៉ែល ។
ការហោះហើរនេះ ត្រូវបានគេស្គាល់ថា ជា Space Launch System គ្រាប់រ៉ុក្កែតទំហំ៩៨ម៉ែត្រមានតម្លៃ ២៣ ពាន់លានដុល្លារ ត្រូវបានដាក់ឲ្យដំណើរ ការទៅកាន់កន្លែងបាញ់បង្ហោះ នៅមជ្ឈមណ្ឌល Kennedy Space Center រដ្ឋ Florida សម្រាប់ការហាត់ សមសម្លៀកបំពាក់សើម គឺជាការសាកល្បង ជាបន្តបន្ទាប់ ពាក់ព័ន្ធនឹងដំណើរ ការបាញ់បង្ហោះពេញលេញ ដើម្បីមើលថា តើវារួចរាល់ឬអត់ ។
បើយោងតាមមន្ត្រី អង្គការណាសាថា បន្ទាប់ពីខកខានមិន បានបំពេញ ធុងឥន្ធនៈ ឲ្យបានត្រឹមត្រូវជាច្រើនដង អង្គការណាសាបាន សម្រេចចិត្តរមៀលវាត្រឡប់ ទៅអគារដំឡើងវិញ ដើម្បីជួសជុល ដោយជំរុញ ឲ្យយាន Artemis I បាញ់បង្ហោះដំបូងបំផុត ជាច្រើនសប្តាហ៍ រហូតដល់ចុងរដូវក្តៅ ។ អង្គការណាសា ធ្លាប់បានកំណត់ថ្ងៃបើកដំណើរការនៅចន្លោះចុងខែឧសភា និងដើមខែកក្កដា អាស្រ័យលើលទ្ធផល នៃការហាត់សមសម្លៀកបំពាក់ ។
Artemis I គឺជាការបាញ់ បង្ហោះលើកដំបូងនៅក្នុងកម្មវិធីព្រះច័ន្ទថ្មី របស់អង្គការណាសា នឹងឃើញយានអវកាស Orion ដែលមិនមានការបង្ហោះ ធ្វើដំណើរទៅកាន់ភពព្រះច័ន្ទ និងត្រលប់មកវិញ ក្នុងការធ្វើដំណើរ រហូតដល់ ៤២ ថ្ងៃ ៕ដោយ៖លី ភីលីព
