ជាមួយនឹងបញ្ជី របួសកាន់តែច្រើន និងបញ្ហាសុខភាព របស់កីឡាករមួយចំនួន មិនអាចជួយការប្រកួត របស់ក្រុមបាននោះលោក Pep Guardiola បានលើកឡើង ទាំងកំប្លែងថា ប្រហែលជាចាំបាច់យកកីឡាករ ខ្សែប្រយុទ្ធណាម្នាក់ ទៅលេងនៅតំបន់ ការពារជំនួស សម្រាប់ជំនួបចុង សប្តាហ៍នេះប៉ះនឹង Watford ។
ម្ចាស់ពានរង្វាន់អង់គ្លេសមួយនេះ បានដឹងទៅហើយថា ឱកាសក្នុងការលើកពានសាជាថ្មី គឺស្ថិតនៅក្នុងដៃរបស់ខ្លួន យ៉ាងកៀកកិតបំផុត ពីព្រោះថានឹងត្រូវប៉ះក្រុមខ្សោយ នៅចុងសប្តាហ៍នេះ ខណៈដែល Liverpool ហាក់ដូចជាមិនមានឱកាសច្រើន ឡើយសម្រាប់ប្រជែង។
ប៉ុន្តែពេលនេះ ក្រុមកំពុងជួបបញ្ហាដ៏ធ្ងន់ធ្ងរមួយ ពីព្រោះថាកីឡាករខ្សែការពារជម្រើសដំបូង ទាំងបីនាក់ ដែលមានទាំង Kyle Walker, John Stones
និង Nathan Ake ផងកំពុងមានរបួស មិនទាន់អាចចូលជួយក្រុមវិញ បាននៅឡើយហើយការប្រកួត សំខាន់ផ្សេងទៀត ក្នុងក្របខណ្ឌ Champions League វគ្គពាក់កណ្តាលផ្តាច់ព្រ័ត្រប៉ះនឹង Real Madrid ក៏ជិតមកដល់ទៀត ផងនោះ៕
ប្រែសម្រួល៖ស៊ុនលី
