កូរ៉េ ៖ នេះបើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា កាលថ្ងៃទី ២៤ ខែមេសា រូបភាពថ្មី២សន្លឹក របស់នាង Son Ye Jin និងលោក Hyun Bin បានផ្សព្វផ្សាយនៅលើ Weibo ត្រូវបានគេប្រទះឃើញ ពួកគេកំពុងរីករាយជាមួយការ ក្រេបទឹកឃ្មុំ នៅទីក្រុងញូវយ៉ក ។
អ្នកលេងអ៊ីនធើណេតចិន ដែលបានបង្ហោះរូបភាពនេះដំបូង បានពន្យល់ថា គូស្នេហ៍ថ្មីថ្មោងត្រូវបានគេឃើញ នៅភោជនីយដ្ឋានមួយក្នុង Korea town ទីក្រុងញូវយ៉ក សហរដ្ឋអាមេរិក ។ រួមជាមួយនឹងរូបភាព ទីក្រុងញូវយ៉ក របស់ពួកគេ រូបភាពមួយទៀត នៃគូស្នេហ៍ ក្នុងក្រេបទឹកឃ្មុំ របស់ពួកគេបានរីករាលដាល នៅលើ Weibo ផងដែរ ។ អ្នកទាំង២ត្រូវបានគេឃើញដើរ តាមដងផ្លូវដែលត្រូវគ្នា។
កាលពីថ្ងៃទី ១១ ខែមេសា Son Ye Jin និង Hyun Bin បានធ្វើដំណើរ ទៅទីក្រុង Los Angeles បន្ទាប់ពីរៀបការនៅថ្ងៃទី ៣១ ខែមីនា។ វាត្រូវបានគេរាយការណ៍ថា គូស្នេហ៍នឹងរីករាយនឹងដំណើរក្រេបទឹកឃ្មុំ របស់ពួកគេពី LA ទៅ NYC ហើយបន្ទាប់មកទៅ Hawaii ៕ ដោយ៖លី ភីលីព
