ម៉ាឌ្រីដ៖ យោងតាមការចេញផ្សាយពីគេហទំព័រជប៉ុនធូដេបានប្រាប់ឲ្យដឹងថា កីឡាករវាយកូនបាល់លំដាប់ពិភពលោក Rafael Nadal និង Novak Djokovic បានរិះគន់ការសម្រេចចិត្តរបស់ Wimbledon សម្រាប់ការដកសិទ្ធិកីឡាកររុស្សី និងបេឡារុស្សចេញពីការប្រកួតនៅឆ្នាំនេះ បន្ទាប់ពីការលុកលុយរបស់រុស្ស៊ីលើអ៊ុយក្រែន។
កីឡាករវាយកូនបាល់ដ៏ឆ្នើមទាំង២បាននិយាយថា Wimbledon បានប្រព្រឹត្តដោយអយុត្តិធម៌។ Nadal ជាម្ចាស់ជើងឯក Grand Slam 21 សម័យបាននិយាយនៅប្រទេសអេស្ប៉ាញថា ខ្ញុំគិតថាវាអយុត្តិធម៌ណាស់ចំពោះមិត្តរួមការងារកីឡាវាយកូនបាល់រុស្ស៊ីរបស់ខ្ញុំ សហសេវិករបស់ខ្ញុំ វាមិនមែនជាកំហុសរបស់ពួកគេនូវអ្វីដែលកំពុងកើតឡើងនៅពេលនេះជាមួយនឹងសង្គ្រាមនោះទេ ។ ហើយកីឡាករ Djokovic កំពុងត្រៀមខ្លួនក្នុងការប្រកួត Madrid Open។
Nadal បានបន្តថា ខ្ញុំសុំទោសចំពោះពួកគេ ។ Wimbledon ទើបតែបានសម្រេចចិត្តរបស់ពួកគេ រដ្ឋាភិបាលមិនបានបង្ខំពួកគេឲ្យធ្វើវាទេ។ Nadal បានបន្ថែមថា តោះមើលថា មានអ្វីកើតឡើងនៅសប្តាហ៍ក្រោយ ប្រសិនបើកីឡាករនឹងធ្វើការសម្រេចចិត្តបែបណាក្នុងរឿងនេះ។ ដំណើរទេសចរណ៍វាយកូនបាល់ ATP និង WTA បានរិះគន់ជាសាធារណៈចំពោះការសម្រេចចិត្តរបស់ All England Club ដែលត្រូវបានប្រកាសកាលពីថ្ងៃទី ២០ ខែមេសា។
Wimbledon ចាប់ផ្តើមនៅថ្ងៃទី ២៧ ខែមិថុនា។ កីឡាករល្បីៗរងផលប៉ះពាល់ដោយការហាមប្រាមនេះរួមមានម្ចាស់ជើងឯក US Open កីឡាករ Daniil Medvedev, Andrey Rublev និងជើងឯករង French Open នាង Anastasia Pavlyuchenkova ដែលសុទ្ធសឹងមកពីប្រទេសរុស្ស៊ី។ Victoria Azarenka នៃប្រទេសបេឡារុស្សបានជួយដល់កងកម្លាំងរុស្ស៊ី ក៏នឹងមិនអាចលេងបានដែរ។
Djokovic បានប្រៀបធៀបស្ថានភាពរបស់កីឡាករដែលមិនរាប់បញ្ចូលទៅនឹងអ្វីដែលលោកបានឆ្លងកាត់ក្នុងខែមករា នៅពេលដែលលោកមិនអាចលេង Australian Open ហើយលោកត្រូវបាននិរទេសពីប្រទេសអូស្ត្រាលី ដោយសារមិនបានចាក់វ៉ាក់សាំងការពារជំងឺកូវីដ-១៩។
Djokovic បាននិយាយថា វាមិនមែនជារឿងដូចគ្នានោះទេ ប៉ុន្តែការឆ្លងកាត់អ្វីមួយដែលស្រដៀងគ្នាកាលពីដើមឆ្នាំនេះសម្រាប់ខ្លួនខ្ញុំ វាជាការខកចិត្តដឹងថា អ្នកមិនអាចលេងបាន ។ ខ្ញុំនៅតែប្រកាន់ជំហររបស់ខ្ញុំ ដែលខ្ញុំមិនគាំទ្រការសម្រេចចិត្ត (Wimbledon) ខ្ញុំគិតថាវាមិនយុត្តិធម៌ វាមិនត្រឹមត្រូវទេ ប៉ុន្តែវាជាអ្វីដែលវាជាការ៕
ដោយ៖លី ភីលីព
