ម៉ូស្គូ៖ អ្នកការទូតរុស្ស៊ីម្នាក់បានឲ្យដឹងថា ខណៈពេលដែលបណ្តាប្រទេសលោកខាងលិច កំពុងអំពាវនាវឱ្យបញ្ឈប់អរិភាពក្នុងប្រទេសអ៊ុយក្រែនឱ្យបានឆាប់ “ពួកគេកំពុងធ្វើអ្វីគ្រប់យ៉ាង ដើម្បីការពារបញ្ហានេះ” ជាមួយនឹងសកម្មភាពរបស់ពួកគេ។
លោក Alexei Zaitsev អនុប្រធាននាយកដ្ឋានព័ត៌មាន និងសារព័ត៌មាននៃក្រសួងការបរទេសរុស្ស៊ី បានឲ្យដឹងនៅក្នុងសន្និសីទសារព័ត៌មានមួយថា ការចែកចាយសព្វាវុធទៅកាន់អ៊ុយក្រែន កំពុងកើនឡើង ហើយសហរដ្ឋអាមេរិកតែម្នាក់ឯង បានបញ្ជូនផលិតផលយោធា ដែលមានតម្លៃ ៣,៨ពាន់លានដុល្លារអាមេរិក។
លោកបានលើកឡើងថា ការផ្គត់ផ្គង់យោធាពីប្រទេសលោកខាងលិច នឹងអូសបន្លាយពេលអរិភាព បណ្តាលឱ្យមានការបំផ្លិចបំផ្លាញថ្មីនៃហេដ្ឋារចនាសម្ព័ន្ធស៊ីវិល និងធ្វើឱ្យជីវិតជនស៊ីវិលកាន់តែច្រើន។
លោក Zaitsev បានលើកឡើងថា ប្រឆាំងនឹងផ្ទៃខាងក្រោយនេះ កិច្ចចរចាសន្តិភាពរុស្ស៊ី-អ៊ុយក្រែន កំពុងស្ថិតក្នុងភាពជាប់គាំង នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
ទន្ទឹមនឹងនេះ អ្នកការទូតបានបដិសេធការចោទប្រកាន់ថា រុស្ស៊ីអាចប្រើប្រាស់អាវុធនុយក្លេអ៊ែរ ក្នុងអំឡុងពេលប្រតិបត្តិការយោធាពិសេសរបស់ខ្លួន ក្នុងប្រទេសអ៊ុយក្រែន ដោយបានហៅការរំពឹងទុកបែបនេះថា “ជាការកុហកដោយចេតនា”៕
ប្រែសម្រួល ឈូក បូរ៉ា
