បរទេស ៖ ប្រធាន CIA លោក William Burns បានប្រាប់សន្និសីទមួយកាលពីថ្ងៃសៅរ៍ថា លោក Xi Jinping ប្រធានាធិបតីចិន «មិនស្ងប់ចិត្ត» ដោយសារប្រតិកម្ម របស់លោកខាងលិច ចំពោះប្រតិបត្តិការយោធា របស់រុស្ស៊ីនៅអ៊ុយក្រែន ហើយកំពុងសម្លឹងមើល «ដោយប្រុងប្រយ័ត្ន នូវមេរៀនអ្វីដែលលោកគួរតែទាញ» និងអនុវត្តចំពោះការលុកលុយ ដ៏មានសក្តានុពលលើកោះតៃវ៉ាន់។
យោងតាមសារព័ត៌មាន RT ចេញផ្សាយនៅថ្ងៃទី៧ ខែឧសភា ឆ្នាំ២០២២ បានឱ្យដឹងថា ថ្លែងនៅក្នុងសន្និសីទ Financial Times ក្នុងទីក្រុង Washington DC កាលពីថ្ងៃសៅរ៍ លោក Burns បានប្រាប់ថា លទ្ធផលពីទីភ្នាក់ងាររបស់គាត់ថា ការឈានទៅមុខរបស់រុស្ស៊ីឆ្លងកាត់អ៊ុយក្រែនភាគខាងកើត និងទំហំ នៃការឆ្លើយតបរបស់បស្ចិមប្រទេស អាចនឹងមានឥទ្ធិពលលើផែនការ របស់ទីក្រុងប៉េកាំង សម្រាប់កោះតៃវ៉ាន់។
លោក Burns បានអះអាងថា “វាបានបញ្ជាក់យើងថា លោក ស៊ី ជីនពីង មានការរអាក់រអួលបន្តិចបន្តួច ចំពោះការខូចខាតកេរ្តិ៍ឈ្មោះ ដែលអាចកើតមាន ចំពោះប្រទេសចិនដោយសមាគម ជាមួយនឹងភាពឃោរឃៅ នៃ ការឈ្លានពាន របស់រុស្ស៊ី ប្រឆាំងនឹងអ៊ុយក្រែន និង មិនត្រូវបានដោះស្រាយ ដោយភាពមិនប្រាកដប្រជា ខាងសេដ្ឋកិច្ច ដែលត្រូវបានផលិត ដោយសង្រ្គាម” ។
ប្រធានចារកម្មរបស់អាមេរិករូបនេះ បានបន្ថែមថា ប្រទេសចិនមានការភ្ញាក់ផ្អើចំពោះ “ការពិតដែលថា អ្វីដែលលោកពូទីនបានធ្វើគឺជំរុញឱ្យជនជាតិអឺរ៉ុប និងអាមេរិកកាន់តែខិតជិតគ្នា” ហើយកំពុងសម្លឹង មើល “ដោយប្រុងប្រយ័ត្ននូវមេរៀនដែលពួកគេគួរទាញ” សម្រាប់ការកាន់កាប់កោះ តៃវ៉ាន់ដែលមានសក្តានុពល ៕
ប្រែសម្រួលៈ ណៃ តុលា
