លោក Jose Mourinho បានសម្រក់ទឹកភ្នែកលើទីលាន ក្រោយក្លាយជាអ្នកចាត់ការទី២បានឈ្នះពានរង្វាន់សម្រាប់ក្លឹបអាជីពក្នុងទ្វីបអឺរ៉ុបចំនួន៥ដង បន្ទាប់ពី Roma បានលើកពាន Europa Conference League កាលពីយប់មិញ។
ក្នុងវគ្គផ្ដាច់ព្រ័ត្រ Europa Conference League ក្លឹបមកពីអ៊ីតាលីបានយកឈ្នះក្លឹបមកពីហុល្លង់ Feyenoord ១-០។ មួយគ្រាប់របស់ Roma ធ្វើបានដោយខ្សែបម្រើប្រយុទ្ធ Nicolo Zaniolo នៅនាទី៣២។ ជ័យជម្នះនេះបានធ្វើឲ្យ Roma បានក្លាយជាក្រុមដំបូងគ្រប់គ្រងពាន Europa Conference League។
ហើយវាក៏បានធ្វើឲ្យលោក Jose Mourinho បានទាន់កំណត់ត្រាលោក Giovanni Trapattoni ក្លាយជាអ្នកចាត់ការឈ្នះពានរង្វាន់សម្រាប់ក្លឹបអាជីពក្នុងទ្វីបអឺរ៉ុបចំនួន៥ដង។ ខាងក្រោមជាកំណត់ត្រាឈ្នះពានរបស់ Mourinho៖
- ២០០២-០៣ ឈ្នះពាន UEFA Cup (សព្វថ្ងៃជាពាន Europa League) ជាមួយ Porto
- ២០០៣-០៤ ឈ្នះពាន Champions League ជាមួយ Porto
- ២០០៩-១០ ឈ្នះពាន Champions League ជាមួយ Inter Milan
- ២០១៦-១៧ ឈ្នះពាន Europa League ជាមួយ Man Utd
- ២០២១-២២ ឈ្នះពាន Europa Conference League ជាមួយ Roma៕
